Page 32 - UTILITIES
P. 32
Boneiru a uni su mes den e wisio sumario pa garantisá entrega di ‘fuel oil’ (HFO) na e produktor di
energia ContourGlobal.
Djaluna binidero pa 14:00 wes lo duna veredikto òf kisas promé.
Pa suministrashon di koriente Boneiru ta dependiente di Bopec. Dia 4 di mei e kompania merikano
ConocoPhillips a pone embargo riba henter e stòk di petróleo di PdVSA na Bopec. Riba petishon di
Entidat Públiko Boneiru i ku koperashon di ConocoPhillips ContourGlobal por disponé tòg di
petróleo ku nan a kumpra anteriormente i almasená den tanki 1912. E stòk ei a base di balotashonnan
aktual ta sufisiente pa produsí koriente te dia 24 di mei binidero. Segun Curoil e uso mensual ta mas
o menos 10.000 barí.
Entidat Públiko Boneiru a pidi wes pa awor anulá un parti di e embargo riba 30.000 te 60.000 barí di
manera ku Boneiru tin sufisiente pa un par di luna i tambe pa kondená PDVSA i Curoil na entrega
kontra kondishonnan usual.
Esaki ta duna partidonan i tambe Entidat Públiko Boneiru i e ministerionan na Den Haag tempu pa
buska solushonnan mas struktural. ConocoPhillips i PDVSA a indiká ku nan ta para habrí pa un
akuerdo pa prevení situashonnan indeseá pa Boneiru.
