Page 13 - UTILITIES

Tabata diahuebs dia 6 di juli ultimo pa mas o menos 10:30am cu e compania di
construccion Odinsa, a informa NV Elmar cu nan a kap un kabel di coriente di nan na
altura di Young Fellow Bar & Restaurant na altura di Barcadera y cu e tabata bashando
azeta.

Tecniconan di NV Elmar a activa mesora, a yega n’e sitio, a logra tapa e kabel y contene
e azeta p’asina evita cu e lo a rementa. E accion rapido tabata crucial pa salba e kabel
grandi riba cual ta pasa 60.000 volt di coriente.

E mesun diadomingo despues di e susedido, a yega dos experto di kabelnan cu ta traha
bou presion di azeta, a yega for di Hulanda pa asisti NV Elmar den drecha e kabel.

Den fin di siman pasa a cuminsa test e kabel atrobe y tur prueba a resulta exitoso. Awe
mainta a “comisiona” e kabel y e lo keda 24 ora bou “spanning” p’asina diabierna hinke
den funcion normal atrobe.

Mester menciona cu e trabou grandi aki ta costa mas o menos 400 mil florin y ta bou
responsabilidad di e compania di construccion Odinsa. NV Elmar a sinta na mesa cu
Odinsa pa sigura cu ta tene mas cuidao ora di cobamento rib’e proyecto di Green
Corridor, pa evita inconveniencia na clientenan.

http://awemainta.com/e-gasto-ta-core-den-400-mil-florin-awe-nv-elmar-ta-cuminsa-uza-e-kabel-
grandi-di-60kv-atrobe/