Page 55 - AHATA

Ami Mendez, e bunita y popularisimo “Consul Cantante” di Filipinas a sinti cu nos

mester haci tur lo posible pa nos no perde Aruba Symphony Festival y el a regala su

popularidad y su talentonan di entretenedor y cantante e nochi ey. “Ami Mendez and the

Last Minute Band” a habri e programa hunto cu e orkesta di Freewinds y e Arubiano

Reno Steba tocando baho y e conocido Cubano, Lazaro Barizonte, riba saxofon.

Cantando piezanan di su repertorio sin fin, pero especialmente musica R & B, Ami a

deleita e publico tremendamente. Cu su rendicion version salsa di “Let’s Dance” di

Donna Summers, Ami a ricibi un standing ovation. Uzando su estilo interactivo gracioso

y humoroso, Ami no a tarda pa haci e publico sumamente anima y entusiastico.

E grupo “The Strangers” cu e aña aki a celebra nan di 55 aniversario, tambe a reconoce e

importancia di mantene Aruba Symphony Festival na bida y a regala nan talentonan na e

evento aki. “The Strangers” ta consisti di Johnny Milan (bass guitar/coro), Frank Arendsz

(drums), Alice Noguera (Cantante) Frank Bisslik (Cantante), Donny Daal (lead guitar), y
Victor Camacho (piano/keyboard).