Page 56 - AHATA
P. 56
Alice Noguera a impresiona tur hende cantando cu un bos dushi y suave. Frank Bisslik a
encanta e publico cu su charisma riba e escenario. Bisti cu un sombre manera di un
Cowboy, John Milan a deleita esnan presente cu su movimentonan unico tanten cu e
tabata toca su guitara. Un berdadero showman! Victor Camacho a mustra cu su zheito pa
toca e keyboard ta mas fuerte cu nunca. Frank Arendsz tambe a mustra cu e no a perde su
dominio di drumnan, mientras cu Donny Daal tabata tuma un atitud menos frenetico
tocando su guitara.
Cu un repertorio inmenso di nan musica di tur epoca, especialmente musica di e
decadanan ‘60, ‘70, ’80, musica di The Beatles y boleronan, “The Strangers” a pone e
publico balia den nan stul. Cu e “E Kloknan di Pascu” di Rufo Wever den un areglo jazzy
di Steba pa clausura, “The Strangers” a inspira tur presente pa canta cu e grupo y nan a
cosecha un “standing ovation”.
