Page 19 - UTILTITES

Minister Sevinger:Politiconan hipocrita di MEP y PDR (POR)
cu a vota contra proyecto Watty Vos Blvd awo kier exigi y

instiga

Tuesday, 18 July 2017 20:06
1
Comparti

Minister di Infrastructura Benny Sevinger ta considera un hipocrecia di marca mayor cu ta hustamente
esnan den oposicion cu a vota contra e proyecto Watty Vos Boulevard

, awe ta e promenan para den rij pa exigi y instiga ora cu doñonan di truck y ekipo pisa a dicidi di
protesta. Minister Sevinger a recorda tur hende con e Gobierno cu e ta forma parti di dje a bini cu
centenares di proyecto y pa ningun di nan a haya apoyo di partidonan di oposicion. Mirando esaki, el a
haya hopi straño cu na momento cu e doñonan di ekipo pisa a bay protesta, e politiconan di oposicion
MEP y PDR, cu awor a bira POR, cu nunca a apoya a apoya e proyectonan di infrastructura cu e
argumento cu “e hendenan no por come klinkers”.
No tin motibo pa duda den e intencion tras di protesta di doñonan di ekipo pisa, Minister a bisa. “Mi ta
para banda di nan, pasobra nan ta lucha pa e pan pa nan famia. Loke mi ta condena ta e politiconan cu ta
uza nan, y haci e cosnan aki un “political issues”. Nan mester sa cu e politiconan cu a para banda y awe ta
hunga mooi weer, a vota contra e proyectonan aki y nan no ta kere den klinkers. Awor e politiconan aki
cu cheap shots kier come di ambos banda.”

E mandatario a cataloga e politiconan cu ta bay para banda di e trahadonan ta grita y instiga cu mester
duna e hendenan aki trabou den e proyecto di Watty Vos Boulevard, como personanan hipocrita. “Nos ta
para banda di e trahadonan pasobra nan ta lucha pa nan pan, pero nos ta condena e politiconan cu ta uza
nan.” Politiconan hipocrita pasobra tanto MEP como PDR den Parlamento a vota contra e proyecto aki.
“Tur dia nan ta grita bo no por come klinkers y ta strañami cu ta net e contrincantenan aki ta para pa
exigi trabou. Esey mi ta yama hipocrecia di marca mayor, pasobra bo a vota contra e proyecto y awor bo
kier para den prome fila pa exigi. Nan no por kere cu nan ta vota contra e proyectonan aki y tur dia nan ta
bati mi cabes cu e hendenan no por come klinkers, y awor bo ta bin pidi pa pega klinkers. Hipocrecia
MEP y POR tin pasobra ta haci uzo di hendenan cu mester di un trabou, y cu lo haya trabou, pa nan
probecha politicamente di nan. Esey nos mester denuncia.”