Page 20 - UTILTITES

Refineria di Aruba ta cla pa facilita pida tereno pa proyecto di
Citgo hunto cu WEB

Tuesday, 18 July 2017 18:46
1

Comparti

Refineria di Aruba tambe ta hunga un rol den firmamento di e MOU cu Citgo. Nan ta cla pa facilita un
pida tereno. Segun director di RdA, Alvin Koolman, dia cu a cuminsa cu e negociacionnan, tabata algo cu
a premira cu no necesariamente Citgo lo mester tur e tereno cu Valero tabata tin, cu Coastal tabata y cu
Lago tabata tin.

Ya caba cu por desaroya otro tipo di proyecto hunto cu e refineria. A firma un MOU caminda cu ta
mustra cu ta evalua y check tur e plannan pa por suministra coriente y awa pa e refineria. Esey ta algo
hopi bon, pasobra ta algo den mundo actual di refinacion, ta outsource e core business. Esaki ta haci algo
potencial pa Aruba sigui crece den e area aki. Area Ya RdA a facilita pa un parti grandi pa Sunrise
Solarpark. Kooman a splica cu esey ta solamente 9200 meter cuadra. Ainda e luga mes precies no a
wordo scogi. Ta busk’e strategicamente cerca di e parti cu por duna e coriente y tambe un poco aleha cu e
no ta competi hunto cu e refineria. Tin tres sitio, pa mira unda cu e por bin. Ta bezig ta bay haci esaki den
e proximo dianan, pa asina por sigui den e siguiente fase di e negociacionnan. Kico lo bay haci Tin un
parti grandi den e innerharbor di San Nicolas cu e reefwork ta di RDA tambe. Eynan tambe, hunto cu
APA ta evaluando otro proyectonan pa mira si tin posibilidad pa un otro waf na San Nicolas, cu ta habri
pa otro tipo di negoshi pa parti di e refineria. Tin tambe e biorefinery, e Algae project cu ta trahando riba
dje. E otro areanan di limpiesa manera e famoso pitchnan den añanan 90, con ta bay haci limpi pa sigui
desaroya. Tin hopi otro parti di e refineria cu por uza. No tur ainda tin un plan B.

Lo bay desaroya y wak kico por haci cun’e. Lease of kico Esun cu a haci pa e Solar Park ta bon pa
comunidad. RDA, a djis duna WEB un recht van opstal pa coriente, pa wordo uza pa comunidad. Esaki ta
un proyecto caminda cu ta wordo haci un compania nobo cu ta bay haci negoshi cu Citgo Aruba. E ta full
diferente. Den e caso aki no solamente ta interesa pa pone e tereno disponibel, pero participa
activamente den e compania, hunto cu WEB y Utilities. Ta papiando di henter e coriente y awa pa e
refineria, cual ta algo basta grandi. E refineria e ora ta core full fledge den 65 mil megawatt. No ta facil pa
bisa cu ta algo chikito e ta. Ta un refineria cu ta core 24/7. Tur esaki tin cu tene na cuenta. Ta algo cu tin
cu sinta bon. Esey ta experiencia di WEB. Si Citgo ta den refinacion, WEB lo tin coriente y awa. Sigur no
lo tin miedo di e proyecto aki. Ta pone hunto, wak pa e ta atractivo y bon pa Aruba y Citgo mes en
general, segun Koolman. Ganashi Ta algo cu RDA ta haci ganashi di dje den futuro. No solamente tin cu
haya e lease, pero ta haya otro oportunidadnan. RDA lo bira shareholder, pero ta masha riba riba con e lo
wordo haci. Un ehempel cu por uza ta crudo na Corsou. Curacao Refinery & Utilities cu tambe tin un
situacion actual asina. Un sistema asina lo bay wordo uza, segun Koolman.