Page 11 - AVP

Loke a hala mi atencion t’e hecho cu Rocco Tjon den su afan pa defende e plan di
Gabinete Wever Croes, ta confirma e preocupacion di nos fraccion, pero tambe di CFT pa
loke t’e fondo social cu tin poni un banda pa Minister atende cu e crisis social cu lo tin.

Den su propio palabranan sr. Tjon a mustra cu ya caba tin 51 persona a wordo tuma den
servicio di Gobierno pa ehecucion di e proyecto aki y tambe a menciona cu tin un suma
di 4.5 miyon aparta pa salario, di cual ya caba a gasta 1.5 miyon di e post aki.

Den e grupo di trahadornan aki cu a wordo tuma den servicio a menciona contratacion di
algun experto y si nos asumi cu lo tin 10 pa15 experto cu lo a drenta servicio pa
ehecucion di e plan aki, ta keda e pregunta kico e otro 36 empleadonan lo ta haciendo.

Aki mi persona kier a mustra e lider di fraccion di MEP, cu no ta mi persona y fraccion di
AVP so tin duda den henter e social crisisplan aki, pero tanto CFT como Gobierno di
Reino tin duda den e intencion real cu Gobierno y e Minister tin cu e plan aki.

Si enberdad despues di tempo cu Gobierno a pone e fondo aki disponibel p’e plan di
crisis social aki, a mira progreso of resultadonan positivo e ora lo tabata dificil pa tanto
CFT como Gobierno di Reino pone duda rond di henter e fondo y e plan. Sinembargo
esaki no t’e caso. Tin un cantidad di instancia cu no ta hayando e ayudo cu nan a ser
priminti, pasobra zogenaamd nan no ta cumpli cu cierto criteria.

No ta berdad tampoco cu Wyatt-Ras lo ta critica trabou di profesionalnan riba tereno
social. Wyatt-Ras semper a y ta enfatisa cu veld social a y ta traha cu curazon y prome cu
e gobernacion aki no tabata envolvi cu politiconan.

Wyatt-Ras kier pa esaki keda asina. Mientras awor ta cierto persona liga na politica ta
dicidi den un comision si un instancia ta haya un suma pa ehecuta su proyectonan. Esaki
no ta un bon desearoyo.

Prome Minister Evelyn Wever Croes recientemente a confirma c’un di e ‘aanwijzing’ cu
CFT a recomenda Conseho di Minister di Reino pa duna Gabinete Wever Croes, ta
relaciona cu e crisis plan social aki di Gobierno ya cu ningun momento Gobierno por a
mustra cu ehecucion di e plan aki ta riba e bon caminda.