Page 8 - AHATA

14 INTERNACIONAL AWEMainta Diamars, 19 December 2023

Bezos y Musk ta boga p’e crecemento di e

poblacion den espacio pa prosperidad humano

fundado di Amazon, Jeff Bezos y e CEO di Tesla, Elon

E Musk, dos di e multimiyonarionan mas rico na mundo y
actor clave den e industria espacial cu Blue Origin y SpaceX,
respectivamente, ta comparti un vision comun riba e futuro
di humanidad den espacio exterior: nan ta kere cu nos mes-

ter di mas humano.

Den un reciente episodio di e podcast di Lex Fridman, Bezos
a expres su deseo di mira un biyon di ser humano bibando

den e sistema solar dentro di cientos of miles di aña. Segun
Bezos, un poblacion asina lo produci mil Mozart y mil Einstein
den un dado momento, fomentando un sistema solar yena

di bida inteligencia y energia. Bezos a subraya e importancia
di crea infrastructura espacial awo p’e generacionnan futuro
por logra mayor hazaña.

Bezos ta premira cu hende lo biba den e stacionnan espa-
cial gigante, cu ta ofrece bentaha riba e superficienan plan-
etario, manera e capacidad di laga nan draai pa adapta n’e
gravedad normal. E ta premira cu e fabricacion pisa lo lo ta

hiba pa espacio, probechando e recursonan di luna y e faha
di asteroid pa preserva e medio ambiente di Tera.

Mientras tanto, Musk a boga duramente hopi tempo p’e

humanidad converti den un especie multiplanetario, haci-
endo referencia n’e necesidad cu e racketnan Starship di
SpaceX transporta hende entre Tera y mars pa un presencia
humano permanente.

Na 2021, el a destaca e peligernan di e caida den nace-
mento, referiendo n’e con e “mayor peliger na cual civili-
sacion ta enfrenta.” Den un festival politico na Italia, Musk a

reitera e importancia di tin yiu pa crea un generacion nobo.

Tanto Bezos como Musk ta kere den e probechamento di
espacio como frontera p’e expansion humano y Bezos ta

uza su “ganashinan di Amazon” pa traha infrastructura
pisa pa futuro empresario espacial. Musk, di su parti, ta
haci referencia den e urgencia pa converti den un especie
multiplanetario pa garantisa e sobrevivencia di humanidad.

Su perspectiva comparti riba e importancia di e crecemento
demografico y e exploracion espacial ta refleha su creencia
den e potencial di e innovacion y prosperidad cu por aporta

na un mayor poblacion humano, tanto riba Tera como pafo
di dje.