Page 66 - MIN JUS 30 JUNE 2015
P. 66
16 persona deteni durante demostracion na
Den Haag
on: Tuesday, June 30, 2015In: ReinoNo Comments
Print Email
DEN HAAG, Hulanda – E demostracion cu a tuma lugar dialuna anochi, dia 29 di Juni, den
cuadro di e fayecimento di Mitch Henriquez, a Sali for di man. Esaki ta segun un comunicado
emiti pa Cuerpo Policial. Den e demostracion aki, 16 persona a keda deteni.
Tabata den careda di 8’or di anochi, ora cu e demostracion a cuminsa den Schilderswijk na Den
Haag, den cuadro di e incidente ya menciona. Via Facebook, un grupo di simpatisante a haci un
yamada pa bin demostra dilanti di e warda di polis situa den De Heemstraat. Na e ora indica, un
grupo di mas of menos 300 persona tabata dilanti di e warda. Na e momento cu polis den e
warda, tabata papiando cu un representante di e demostrantenan, otro grupo di demostrante e
momento ey, a dicidi di cuminsa bombardeanan cu piedra y vuurwerk.
Detencion
Mobiele Eenheid di Polis mester a wordo hinca aden pa asina trece paz den e bario. Tambe cabay
y helicopter di polis a wordo poni den marcha. Den e bario demostrantenan a destrui un spoor.
En total a detene 16 persona. Motibo cu nan a wordo deteni ta pa destruccion publico. Mayoria
di e detenidonan ainda ta wanta pa interogacion. Polis a haci durante e demostracion varios
grabacion di video, cual ta bezig ta wordo evalua. Ministerio Publico y polis no ta descarta cu no
lo bay tin mas detencion.
Polis Herida
Un polis riba cabay a keda herida durante e demostracion. Tanto e polis como cabay ta for di
peliger.
