Page 61 - MIN JUS 30 JUNE 2015

Demostracion basta grandi dilanti warda di Polis na Den
Haag

Publication: Tuesday, 30 June 2015. Categoria: General

Arubianonan a protesta contra morto di Mitch Henriquez

ORANJESTAD (AAN): Un grupo grandi di Arubianonan malcontento cu loke cu a pasa cu
Mitch Henriquez na man di funcionario Policial na Hulanda, y cu el a fayece despues, a tene un
demostracion dilanti warda di polis na Schilderswijk. Tension a bay asina halto cu dado
momento mester a pidi presencia di Unidad Mobil di Polis di Den Haag,

E demostrantenan a presenta cu t-shirt “I love Aruba” y bandera di Aruba, mientras cu e grupo
tabata grita e Polisnan “moordenaars” den coro. Dado momento a wordo comenta na
periodistanan presente, door di e manifestantenan, cu nan tabata kier pa Burgemeester van
Aartsen tuma su retiro y ta exigi pa e agentenan envolvi wordo geschors, pendiente
investigacion.

E emocionnan a bay halto despues di a tende cu e agentenan cu tabata envolvi den e incidente
pafo di e parke unda e festival di UB40 a tuma luga, y cu nan ta bisa a maltrata Mitch Henriquez
te cu el a muri, a wordo poni pa haci otro trabou, enbes cu nan a wordo geschors.

E manifestacion a wordo yama pa 8.30 di anochi (ora di Hulanda), unda ta pidi ciudadanonan pa
demostra contra e morto violento di e Arubiano Mitch Henriquez. Aunke na inicio e asunto
tabata calmo cu transcurso di minuutnan, e emocionnan a escala pa cual a manda pidi Unidad
Mobil di Cuerpo Policial di Den Haag. Esaki a sosode ora cu e manifestantenan a cuminsa tira e
agentenan cu diferente obheto y vuurwerk pa cual a pasa na detene varios persona. Y pa evita cu
e demostrantenan ta invadi e Warda di Polis.

Segun e splicacion cu a wordo duna, den un skina cerca di e warda, a pone entre otro un
container, un toilet mobiel y matrasnan cu a wordo cendi na candela. Bentana di paradanan di
bus a wordo kibra y dado momento Polisnan a dicidi pa cuminsa basha e demostrantenan cu awa
y a trece cachonan specialisa tambe na e sitio.