Page 6 - AM220215

6|Diamars, 15 di Februari 2022

Un mucha chikito, un baby y dos adulto

herida den accidente na Bloemond

Diadomingo algo prome cu 9’or
di anochi a sosode un accidente basta
serio riba e caminda di Bloemond un
poco pariba di e rotonde chikito, pariba
di e santana di Paradera. Mesora a pidi
pa presencia di polis y ambulance cu
urgencia na e sitio.
Un Nissan Skyline stuur rechts, maneha
pa un dama tabata biniendo cu veloci-
dad halto for di pariba. Na e bahada pa
un of otro motibo e la perde control y a
baha caminda band’i pazuid. E Nissan
Skyline a bay dal contra un Honda Fit
staciona dilanti di un cas, djei e la bay
dal contra un cura di cas, dal un bari
sushi y un meter di awa kibra. Despues
di e impacto e auto a keda para algun
meter mas dilanti y cara panort.

Patras den e auto tabata tin un mucha
basta chikito sinta cu den e impacto a
sali cay for di e sienta di auto. Tambe
riba e sienta patras tabata tin un baby
den su carrier. Dilanti tabata tin e dama
chauffeur y e ocupante cu tambe taba-
ta un dama. Tur cuater a resulta herida.
Polis a yega prome na e sitio y a cumin-
sa tuma datos, mientras dos otro patru-
ya a cera e caminda. Tres ambulance a
presenta na e sitio pa atende cu e he-
ridonan. E dama ocupante tabata sinti
hopi dolor na su lomba y tabata pega
den e auto. Materialwagen di brand-
weer a yega na e sitio y a libera e dama
for di e auto. Despues cu e paramedi-
conan di ambulance a trata tur cuater
na e sitio, a transporta nan pa hospital
pa un checkeo medico mas avansa.
E auto Honda Fit cu tabata staciona di-
lanti di un cas y e Nissan Skyline a haya
basta danjo material. W.E.B. a wordo
pidi pa bin na e sitio pa e meter di awa
cu den e impacto fuerte a wordo kibra,
por a mira con e awa tabata core cu
hopi pression bay abou.