Page 9 - AM220215

Diamars, 15 di Februari 2022|9

Pueblo por prepara pa Dictado

Nacional 2022

E aña aki Universidad di Aruba, Funda-
cion Lanta Papiamento, Fundacion Co-
rector di Papiamento, Departamento di
Enseñansa y Departamento di Cultura a
uni pa presenta Dictado Nacional 2022.
E evento lo tuma luga diasabra 19 di fe-
bruari di 5 or pa 7 or na Universidad
di Aruba. Despues di un par di aña lo
tin atrobe un evento di dictado pa tur cu
tin amor y aprecio pa Papiamento y kier
skirbi e idioma bon. Por registra pa tres
nivel segun edad: 12 – 15 aña, 16 – 18
aña y 19 aña p’ariba. Tanto hoben como
adulto ta cordialmente bonbini pa parti-
cipa na e reto di skirbi Papiamento bon
durante Dictado Nacional 2022. Lo tin
premio pa e ganadornan di cada nivel.

E evento aki ta entrada pa un siman di
atencion pa Dia di Idioma Materno cu
ta 21 di februari. Durante e siman aki
mundo lo duna atencion na tur idioma
materno y na Aruba nos tambe lo mus-
tra aprecio pa nos idioma nacional Pa-
piamento.Pa participa inscribi via link
riba FLP su pagina di Facebook: Funda-
cion Lanta Papiamento - FLP.

FPNM cu invitacion pa un

anochi informativo

Fundacion Pa Nos Muchanan ta presenta un anochi in-
formativo tocante dominio di infeccion na scol y na centro pa
cuido di mucha.

E anochi informativo lo tuma lugar diahuebs 17 di februari
2022 pa 7:00pm. E informacion tocante dominio di infeccion
lo wordo duna pa Dr. Cesar Palma y Dr. Luis Cortes, kende ta
dokter di JGZ (DGV), di Wit Gele Kruis y di Scolnan.

Nan lo duna un splicacion di diferente infeccion cu muchanan
por encontra na un centro di cuido di mucha of na scol.

Entre otro; diferente infeccion di cuero, infeccion respiratorio,
infeccion cu diarrhea y/of sacamento, y otro tipo di infeccion.

Nan lo duna splicacion con pa anda cu esaki tambe. Si bo
ta interesa pa registra pa e anochi informativo, yama 583-
4247/588-0856.