Page 11 - AM240718

Diahuebs, 18 Juli 2024 AWEMainta
Accidente tragico di bus na Peru ta cobra 23 bida
UN accidente devastador di bus na Peru a resulta den e
morto di por lo menos 23 persona despues cu e vehiculo a
cay mas di 650 pia den un baranca diamars. E bus tabata
riba su ruta for di e ciudad capital di Lima pa Ayacucho den
e region sur di e pais. E incidente tragico a sosode mas o
menos 5or di mainta ora local, y e causa exacto di e acci-
dente ta keda desconoci, segun autoridadnan.
E Ministerio di Asuntonan Interior di e pais a anuncia riba e
plataforma di social media X cu operacionnan di buskeda y
rescate ta andando actualmente. Ademas di e fayecidonan,
13 pasahero a sufri lesion y ta wordo trata na hospitalnan
cercano. Ekiponan di rescate ta trahando incansablemente
pa recupera victimanan y brinda ayudo n’e heridonan.
E incidente aki ta añadi na un patrono preocupante di acci-
dentenan mortal riba e camindanan montañoso y hopi biaha
peligroso di Peru. Den añanan reciente, e camindanan aki a
bira e sitio di varios accidente fatal. Por ehempel, na april
2021, un accidente di bus n’e departamento di Áncash di
Peru, situa mas o menos 280 miya for di Lima, a resulta den
20 morto y 14 herido. Di igual manera, na februari 2022, un
LOCAL 11
otro bus a sali for di caminda y a cay den un baranca di 330
pia den e provincia di Pataz na parti nort di Peru, ocasion-
ando 20 morto y 33 herido.
Famianan di e pasaheronan a reuni pafo di Hospital Mariscal
na Ayacucho, sperando ansiosamente pa actualisacion
tocante nan sernan keri. E ambiente ta tenso mientras fami-
anan ta spera cualkier noticia tocante e sobrevivientenan.
Ta spera cu e gobierno Peruano lo conduci un investiga-
cion profundo riba e causa di e accidente aki, cu e meta di
descubri cualkier factor potencial cu a contribui n’e tragedia.
E naturalesa peligroso di e tereno montañoso di Peru y e
condicionnan hopi biaha traicionero di su camindanan ta
destaca e necesidad urgente pa miho medidanan di sigur-
idad. E frecuencia di e tipo di accidentenan aki ta subraya
e desafionan cu autoridadnan di transporte ta enfrenta den
garantisa e siguridad di pasaheronan cu ta biaha door di e
regionnan aki. Mientras e esfuersonan di rescate ta continua,
e nacion ta lamenta un otro perdida tragico riba su camind-
anan, pidiendo esfuersonan renoba pa preveni tragedianan
futuro.