Page 39 - MIN ARENDS

A30 SERVICIO
Diaranson 25 october 2017
Forbes Magazine:
‘ATECH top 15 Technology and Innovation Conferences di mundo’

ORANJESTAD - E siman aki, durante di 3 dia, empre-
sarionan chikito y grandi na Aruba, y expertonan den
tecnologia y innovacion di varios pais grandi mundial,
lo examina y combersa ariba Aruba su futuro y tambe
lo toca desaroyo di innovacion rond mundo, asina un
relato cu nos a haya ta laga sa.

Varios startups, negoshi y innovadonan lo reuni den Hilton,
pa ATECH Conference, segun un relato cu nos a haya. E
conferencia di tecnologia renombra, ATECH Conference,
organisa pa un grupo di profesional local hoben, a sa di con-
tinua di inspira bishitantenan cu ya caba ta participante pa di
3 aña consecutivo.

E di tres edicion di ATECH Conference ta priminti, di sigui mantene e titulo di “ The Hot-
test Tech Conference in the Caribbean”. Desde e prome evento, ATECH a sa di bira e luga
cu profesionalnan, entrepreneurs y creativonan ta topa otro den un seno di inspiracion y net-
working.
Algun startups internacional y di Aruba ta selecta pa pitch nan producto y ideanan den un
competencia pa gana USD 10.000 pa por inverti den nan negoshi. “ Nos tin un tremendo
line-up di entrepreneurs na e conferencia, en particular startups den nan inicio di nan idea
cu por beneficia tremendamente di e ecosystem di conocemento di Caribe “, co- fundado di
ATECH, Varelie Croes, ta comenta.

Tambe lo tin varios oradornan y expertonan conoci manera: Justin Halsall, Developer Ad-
vocate na IBM, lo habri e conferencia dunando varios remarca ariba e rol di tecnologia den e
mundo di awor y den futuro.
Melissa Gonzalez, CEO di The Lionesque Group, lo splica e participantenan con importante
un bon customer experience ta pa comercio den 2017. Pensa con Starbucks ta bende un feel-
ing y un experiencia ora nan ta puntra pa pone bo nomber riba e cup, no solamente un pro-
ducto. Pero e lo conta tambe con tecnologia disruptivo mane Artificial Intelligence of Virtual
Reality, lo por continua di shape e customer journey ora di haci compras. Sigur un topico
interesante pa Aruba su comercio.
Adam Smiley Poswolsky, miho conoci como the Millennial Workplace Expert, cu a skirbi e
buki best-seller yama The Quarter Life Breakthrough, lo conta nos con Millennials ta cam-
biando e manera di pensa y traha di varios empresarionan estableci. Y con empresarionan por
atrae, y mantene top talento na nan organisacion.
Na ATECH conference tambe lo tin varios oportunidad pa por colabora y inverti den com-
panianan cu potencial. “Nos ta encurasha participantenan pa participa na e discucion tocante
innovacion y pa por siña di otro y di nos participantenan”, Tristan Every co-fundador di AT-
ECH ta comenta.