Page 2 - AM230929

2 LOCAL AWEMainta
Husticia no por tin dos cara
ora tin cu haci husticia
WEMainta na varios ocasion den pasado, a yega di referi
Ana e hecho cu mester tin un tipo di “doorlichting” den
e sistema hudicial aki na Aruba, pa kita dudanan crea pa e
propio forma di procede.
Principalmente e casonan contra di tres ex Minister a lanta
hopi duda den e forma di procede di e institucion hudicial pa
motibo cu tabatin y ainda tin desaroyonan tumando luga, cu
a crea duda den e forma cu Husticia kier hiba husticia aki na
Aruba.
For di siman pasa tin un caso andando cu aparentemente
tanto autoridadnan hudicial como gobierno pa medio di
su mandatario- y miembronan di Parlamento, no kier mira
seriedad di e situacion cu presencia di e helicopter di cuerpo
policial tin bou di contract y loke a sosode cu e comerciante
Colombiano kende a bin firma e contract cu ex Minister di
Husticia di Aruba.
E comerciante aki cu a firma e acuerdo entre ”su” compania
SADI y gobierno di Aruba pa huurmento di e helicopter pa
KPA, a entrega su mes na husticia Mericano relaciona c’un
transporte di droga di 446 kilo di cocaina y awor e ta ser
investiga tanto na Florida como na Colombia mes.
Ayera merdia den e programa noticiero di ‘Enfoke 24Ora’, e
actual Comisario di Polis, Ramon Arnhem a contesta pregun-
tanan skerpi haci pa tanto Nelson Andrade como Patrick
Paskel relaciona cu e asunto aki, caminda un declaracion no
a bay den bon tera y el a crea ainda mas duda den tur loke
a bin ta pasando.
Pa splica di con el a retira su ordo di prohibicion pa uza
e helicopter den accionnan policial, despues cu dialuna
siman pasa el a prohibi uzo di e aparato, sr Arnhem a bisa
lo siguiente:
“Wij zagen geen bijzonderheden,” supuestamente referiendo
na e acuerdo cu tin entre e compania cu ta huur gobierno di
e aparato aki.
Loke a pasa den e caso aki, ta cu Minister di Husticia a sigura
cu tur cos ta bon cu e acuerdo, a yama un reunion cu porta
cera di Parlamento y tambe a haya algun colega di partido
den parlamento, sigura cu tampoco nan a mira algo malo
pero hecho ta cu Carlos Eduardo Restrepo Osoria, deteni na
traficacion di 446 kilo di cocaina, a firma pa e compania di
Diabierna, 29 September 2023
SADI cu gobierno di Aruba y tin prueba di esaki.
Mescos cu a haci den caso di Paul Croes, den caso di Benny
Sevinger y awor den caso di Otmar Oduber, caminda prac-
ticamente autoridadnan mes a Sali pa busca asina yama
“bijzonderheden” pa hiba e hendenan aki Corte, sikiera Alto
Comisario por a sikiera haci un intento chikito pa busca mas
profundo mescos cu e laga tanto Landsrecherche como RST
crea caso contra e ex mandatarionan menciona.
Kisas Arnhem su Spaño no ta bon pero ta na su luga pa KPA
sigui haci investigacion, sigui analisa kico ta pasando prome
cu determina cu no tin ningun “bijzonderheden” den e caso
di helicopter di KPA.
Algun ‘bijzonderheden’ riba cual husticia Colombiano ta
sigui cu su investigacion contra di Carlos Eduardo Restrepo
Osorio y e compania di SADI:
“La “narcoavioneta” dejó en total cinco capturados en
Colombia, dos policías con objeto de extradición y que resul-
taron tener nexos con esta red de tráfico de estupefacientes.
A través de un video, se pudo lograr la captura de otros dos
policías que igualmente tendrían fines de extradición. Resulta
que ‘Caco’ es considerado como el zar de la aviación en el
Huila, por lo cual se investiga cómo logró expandir su fortuna
y negocios a otras zonas del país, como al departamento de
Antioquia, donde algunos de sus familiares estarían encar-
gados de controlar sus negocios en esa región de Colombia.
De acuerdo con el debido proceso que adelanta la Fiscalía,
en caso de encontrarse un incremento injustificado en su
patrimonio, estos podrían pasar a ser objetos de extinción
de dominio por las autoridades.”