Page 22 - ATA

ORANJESTAD (AAN): Cada pais tin su propio
plan operacional. Pa Aruba tabata e idea, unda cu a reuni na Rampenbureau cu

diferente instancia riba loke Marck Oduber a atende como seminario riba Sargassum.

A briefnan riba e proyecto grandi cu tin andando di Unesco. No solamente Unesco, pero
UNDP, OIS, Geogroup Planet di Merca, NOAA, diferente instancia grand hunto cu

universidadnan, ta trahando un plan regional.

Pa Aruba, sabiendo cu 2018, ta un aña fastioso cu e zeewier aki ta core den area
Caribense, por tin su efectonan pa e isla di Aruba tambe. Manera den e caso caba na

Maart tabata tin algun efect. E por ripiti, pero por ta no.

Pero si ripiti, mester tin un plan con pa actua y kico pa haci cun’e. Un plan cu por avisa
tambe delanta instancianan, pa activa nan plan pa e tipo di zeewier aki.

Ta dificil pa bisa si e ta core den lama. Segun pronosticonan, ta indica cu door cu 2018
ta hopi activo, por haya chens pa haya patchnan di zeewier cu por afecta e islanan, te
cu Augustus primordialmente, despues tin biaha nan ta mengua.

Tin biaha e ta hopi serio pasobra e ta tapa e beachnan dilanti hotel. E por ta serio
depende di unda e ta bin. Si coriente di lama por draai’e rond, trece na e banda di
beach. Pero te ainda por corda na Aruba, mayoria na Noordkust e ta afecta.

Na islanan Ingles y Frances, si e tabata tin efectonan hopi mas grandi, pero na Aruba
tabata na Noordkust. Pero no por descarta cu semper coriente ta draai un tiki y por
trec’e na areanan unda cu por tin mas turista.