Page 25 - ATA

ORANJESTAD (AAN) – Manera anuncia

durante tratamento di Presupuesto 2018 den Parlamento, Minister di Finansa,
Asuntonan Economico y Cultura y Departamento di Asuntonan Economico ta activo y ta
sigui haci nan esfuerso pa crea mas desaroyo economico pa nos pais.

Siman pasa pa medio di Expro Desk a organisa e sesion informativo riba servicio- y
programanan financiero cu empresanan local cu ta interesa y kier exporta nan producto
y/o servicio for di Aruba por aplica. E exitoso sesion aki a conta cu un participacion
grandi di empresarionan.

Proximamente tin riba agenda varios eventonan pa asina stakeholder por bini hunto y
difini e maneho economico pa e proximo añanan. Riba calendario tin programa pa fin di
luna di mei y comienso di luna di juni varios evento pa empresanan chikito y mediano

participa. Nos empresanan chikito y mediano ta e weso di lomba di economia di nos
Pais.

Tin varios comision cu ta trahando hunto pa asina por explora kico Aruba tin pa ofrece

como Pais pa inverti aden y cual ta e inversionnan cu lo beneficia nos Pais. Durante e
evento aki lo bay tin un facilitador internacional cu lo yuda e encuentro cu e
stakeholdernnan pa hunto defini cual ta e top sectornan pa Aruba.

Ademas na juni próximo lo bay tin un Economic Summit den cual lo trece e
stakeholdernan hunto. Lo enfoca tambe riba e uzo di innovacion pa haci negoshi pa
asina por yuda companianan chikito y mediano pa nan por ta exitoso.

Esaki ta e preparacionnan andando pa fiha e maneho economico cu nos como pais kier
pa 2018 padilanti, den cual e stakeholdernan lo tin nan participacion den esaki.