Page 11 - WEB

Hendenan a bira mas conciente den uzamento di coriente

Monday, 05 June 2017 18:44
Comparti

Elmar tin diferente gasta pa carga. Nan tin nan personal, mantencion, tur esaki ta den wega. Pero na mes
momento tin cu puntra cu a introduci e sistema prepago cu ta algo cu a sinti cu hendenan a bira mas
conciento cu nan uzo di coriente. Ta mescos cu un telefon cu tin menos minuut, etc.

E por trece tiki problema pa entrada di Elmar. Ya caba cu nan tin un gasto cu kisas no ta baha. Director
di Elmar, Rob Henriquez, a splica cu e meter prepago ta haci cu e cliente ta paga delanta, cual ta trece
hopi beneficio cun’e. No mester bay presta placa cerca banco. Ta un gasto cu no lo tin y asina ey, por pre
financia cierto otro proyectonan. E mesun proyecto ey ta prepaga, esta e ta paga su mes. En berdad, e
meter eynan ta haci un tiki mas conciente, e ta hinca den e sistema cu e ta meegenomen den e business
model. E sistema di haci negoshi, ta neem mee, un porcentahe di e percado di Aruba, cu lo bay uza
prepago. A base di esey, ta hink’e den full e modelo di Aruba y e ora eynan e ta saca e calculacion
completo. Semper ta keda toch na e banda sigur di esey. Ta tuma un porcentahe adicional pa tin un
margen di siguridad, pa ora cu e mercado crece caba hinca den e modelo di negoshi cu tin di bende
coriente. Enfoke Rober Henriquez a splica cu Elmar a bin wak si en berdad, cu loke ta wordo uza ta klop.
Nos hendenan ta mas conciente. Ta mira eigenlijk no un caida, mas un stabilisacion si di uzo di coriente.

E ora eynan por bisa e mercado ta cuminsa manera stagna pa e benta di coriente. Na final di dia ta
percura pa e modelo di haci negoshi ta basa riba esey. Sa cu e crecemento di bendemento di coriente no
ta manera un 20 aña pasa, cu tabata crece enormemente cu 10 pa 12 porciento. Awendia ta hopi menos.
El a bin ta minimalisa un of hasta 0 crecemento. No tin crecemento at all. Ta cuminsa flatout. E modelo
di negoshi ta keda basa riba kico a wordo bendi den un aña. Ta un margen cu ta hinca den e modelo
caminda cu ta bisa cu ta premira a base di historia. Kisas e otro aña ey ta bende kisas 0.5 por ciento di
coriente mas of te hasta, hunto cu WEB, premira cu no ta bende nada adicional. Asina eigenlijk, di aña pa
aña ta traha e presupuesto, basa riba loke ta mira di historia, pero tambe riba proyecto, esta
tecnologianan nobo. Hendenan ta bira mas conciente berdad, pero asina e tarifanan ta establece nan
mes, a base di tur e parameternan cu ta hinca den dje. No ta algo nobo cu a bin ta haya, pero ta algo cu ta
bezig ta wak pa algun aña caba. Malpagado E mal pagado ainda ta existi. Semper ta keda haya hende cu
tin dificultad pa paga nan coriente, sea na tempo of completo. Pero ta purba atrobe papia cu e cliente,
dun’e un areglo, di cual no ta cay mucho atras, pero pa e por bin bek al dia cu su cuenta. Ta purba di duna
e servicio eynan y pa asina keda toch cu coriente na fin di dia, segun Rob Henriquez.