Page 13 - WEB

Leonardo da Silva di CBS: E caida pisa di prijs di awa,
coriente y gasolin tabata tin efecto grandi riba Indice di Prijs

di Consumo

Monday, 05 June 2017 18:35
Comparti

Tin tres producto cu tin efecto masha grandi mes riba CPI (Indice di Prijs di Consumo), pasobra nan tin
un peso halto y nan ta un solo producto. Esaki, manera cu nos a menciona anteriormente den otro
publicacion, ta wordo nota den e boletin mensual di Oficina Central di Estadistica.

Segun Leonardo da Silva, hefe di Business Statistic di dicho entidad, a indica cu na momento cu nan
prijs, esta di e tres productonan aki wordo ahusta, ta not'e di biaha. Ta trata aki di e productonan di awa,
coriente y gasolin. Awa Ultimo biaha cu a ahusta e prijs di awa ta na Augustus 2012. Cu ahuste kiermen
cu e prijs a cambia. Oficina Central di Estadistica ta midi con e ta subi of con e ta baha. Loke nan ta haci
ta, ta haci un investigacion cuanto awa ta wordo uza na Aruba. Ta purba di mantene e cantidad fiho di e
averahe di uzo di un cas na Aruba. E averahe ey ta keda manteni durante aña. Ta mira ki ora e prijs ta
cambia. Esaki tabata un caida basta fuerte, segun Leonardo da Silva. Na Juli e tabata 195 florin cu hende
tabata gasta na awa y el a baha na 137 florin. Toch ta un caida basta bon. Coriente Pa loke ta coriente,
door cu no tabata ni subida ni bahada, a mira cu na cumisamento di 2016 tabata tin un caida di coriente.
A haci ahuste den e prijs per Kw den e diferente bracketnan cu tin. E uzo segun loke cu CBS ta calcula, na
December 2015 tabata 342 y a baha na 308 florin na Januari. E aña aki atrobe a mira un caida na Januari
2017. E tabata 308 y a baha na 265. Esey ta e prijs averahe pa e consumo di coriente. Na Aruba ta haci
uzo di consumo di 725 Kw.

A base di esey CBS ta indica cuanto e prijs a subi of cuanto el a baha. Den e ultimo añanan el a baha,
coriente a baha na Januari 2016, despues na Januari 2017, el a bolbe biaha. Si mira bon, na 2015, el a
keda stabil riba e mesun prijs, na October 2014 tabata tin un subida. E tabata basta stabil den henter
2013. Despues 2014 tabata tin un subida di prijs. Djey el a keda stabil den 2015. Despues den 2016 tabata
tin un caida. E caida aki a causa un deflacion. Si pensa cu esey a afecta e CPI di tal forma cu tabata tin
deflacion, e aña aki atrobe, e chens ta grandi, aunke si prijsnan subi drasticamente di gasolin, e ora por
bay wak cu toch lo bay tin un inflacion. Si e trend keda asina aki, cu e prijs di crudo ta keda rond di 50
dollar pa bari, no ta bay nota un subida drastico di gasolin tampoco. Gasolin Gasolin si ta cambia tur
luna. E tiki cambionan cu tin, tambe tin su efecto riba e CPI. Hende lo pensa pakico e gasolin ta afekt'e
tando y prijs den cuminda den supermercado no. Gasolin ta un producto so y supermercado ta consisti di
cientos di producto. Nan ta controla prijs riba mas cu 350 producto. E productonan di supermercado no
ta subi pareu, of no ta cay tur hunto. Por ta aki aya ta haya algun cu a subi y un paar ta baha. Pero no ta
mira aumentonan drastico, manera cu ta wak den e tres productonan ya menciona. Esakinan ta un
producto so.