Page 14 - AM210906

14 AWEMainta .com Dialuna, 6 September 2021

Accidente entre 4 auto a laga hopi

daño material atras na Tanki Flip

Diabierna mey anochi pa diasabra, informacion a
drenta di un accidente di auto entre 4 auto y lo tin
hende herida tambe.
Na yegada di varios unidad policial, nan a bin haya

un chaos riba caminda. Masha hopi resto di e auto
a keda gespart tur caminda.

Tabata di un Hyundai Veloster, Toyota Tundra,

Kia Sportage y un Jeep Cherokee. Segun nos a
compronde, e auto color cora cu ta Hyundai Veloster
segun nos a compronde lo t’esun cu a ocasiona e
accidente.

Tres persona a resulta herida den e accidente aki
y nan lo mester a haya atencion medico, y ta p’e
motibo aki a pidi pa Ambulance.

Agentenan n’e sitio mester a pidi tambe un specialista
di trafico, pa por saca afo con e exactamente e
accidente aki a sosode. Varios ambulance a yega n’e
sitio pa trata esnan herida cu tabata keha di dolor.

D.O.W a ser pidi tambe pa presenta y haci e
caminda limpi p’asina trafico por a continua, tur
esaki despues cu takelwagen a move e vehiculonan.