Page 15 - AM210906
P. 15
Dialuna, 6 September 2021 AWEMainta.com 15
Toyota Celica a drenta cura di cas na Belgiëstraat
Diabierna mey anochi pa diasabra mesun momento
cu a sosode e accidente grandi entre 4 auto na
Tanki Flip, informacion a drenta cerca Polis di otro
accidente cu hende herida.
Polisnan diabierna mey anochi pa diasabra tabatin
man yen cu varios accidente di trafico.
Den Belgiëstraat net riba e crusada cu ta bay pa
Bushiri un auto Toyota Celica a perde control y
drenta un cura di cas.
Na yegada di Polis nan a pidi pa un ambulance
debi cu e chauffeur tabata herida. Na yegada
Paramediconan a saca potret di paden di auto, esta
unda e chauffeur a dal su curpa.
Despues di algun rato nan a sali direccion Hospital
cu e cabayero. N’’e sitio tabatin un dama basta
emociona yorando.
