Page 15 - BNDIA ARUBA

A15
HENDE Diamars 30 Januari 2018

Stagiairenan di Belgica ta yuda Bon Dia

ORANJESTAD - Pa di dos biaha Bon Dia tin e placer di
ricibi dos stagiaire di Belgica pa yuda nos mehora nos
compania.

E biaha aki ta Senne Vanarwegen y Stijn de Groof, kendenan
lo yuda pa 3 siman. Nan a bin cu 6 otro studiante. Cinco di
nan ta core stage na Universidad di Aruba y uno na Unesco.
Tur ta studia na Kogeka (Katholiek Onderwijs Geel-Kaster-
lee) cual ta consisti di varios scolnan. Senne ta studia IT y
Networking y Stijn Accountancy/Marketing y IT, ambos na
Sint Maria na e ciudad Geel.
Na Bon Dia nan ta encarga cu un proyecto di video. Riba
potret por mira ambos studiante cu nan docente Hans Geerts
(e di tresnan banda links). E programa di stage ta financia cu
placa Europeo y e studiantenan ta core stage na ciudadnan
Europeo. Aruba ta e unico destinacion pafo di Europa y asina
ta popular bou di e studiantenan pa bay core stage.

Conmemoracion di

Juan Pablo Duarte

ORANJESTAD – Diabierna ultimo e comunidad Do-
minicano a conmemora e di 205 aniversario di e natali-
cio di nan heroe di independencia Juan Pablo Duarte.

Pa duna balor y reconocimento na e conmemoracion aki,
Consulado di Republica Dominicana na Aruba a organisa un
acto senciyo di ofrenda floral dilanti di e busto di Juan Pablo
Duarte manera tur aña ta tradicion. E busto ta ubica riba e pla-
za cu a wordo batisa na su nomber na haltura di hospital bieu.
Leonor Campusano a pone un ofrenda floral den nomber
di Instituto Duartiano cu ta filial di fundacion Dominicana
Arubanse Juan Pablo Duarte na Aruba.