Page 20 - BNDIA ARUBA

A20 DEPORTE
Diamars 30 Januari 2018
Sean Toppenberg ta gana Warm-Up Triathlon

ORANJESTAD - Diadomingo ultimo, Aruba Triathlon Association a organisa nan
prome competencia di aña cu e Warm-UpTriathlon na Boca Catalina.

Un total di 96 tri-atleta a competi cu otro den e tres disciplina, esta landamento, ciclismo y
coremento. Notabel ta cu tabata tini un total di 14 atleta di e barco Freewinds cu tambe a bin
participa na e Warm Up Triathlon. Mester bisa cu e grupo aki a bin cu nan mesun ekipo di
filmacion y fotografo pa cubri full e evento.

Den e categoria Sprint a participa 41 atleta individual y 10 team di relevo. E tri-atletanan dis-
tancia Sprint mester a landa 750 meter, core un distancia di 20 km riba bais y sigui cu un careda
na pia di 5 km. Categoria Super Sprint a landa 375 meter, core un distancia di 10 kilometer
riba bais y despues continua cu un careda na pia di 2.5 km. Na final tur esnan presente por a
mira un Sprint sublime entre Sean Toppenberg y e hoben Giannon Eights na unda e prome ta
gana e evento den un tempo di 1:09:04.194.

Ganadornan Overall Sprint:
Pos. Bib. Name Tempo
1 15 TOPPENBERG SEAN 01:09:04.194
2 8 EIGHTS GIANNON 01:09:06.578
3 12 BLOKDIJK JARD 01:10:19.694
Ganadornan Overall SuperSprint:
Pos. Bib. Name Tempo
1 80 MORALES JUSTIN 00:37:44.668
2 196 JANSEN CHRISTIAN 00:39:20.157
3 90 BROEKAART BEAU 00:39:54.299

Pa e resultado completo bishita e website di ATA: www.arubatriatlon.com

Amazona Zoey Arends ta gana medaya na Colombia

ORANJESTAD/MEDEL-
LIN - Recientemente Zoey
Arends a gana e prome luga y
un medaya di Plata pa Aruba
den e asina y yama XIII Val-
ida de equitación na Medel-
lin, Colombia.
E competencia tabata uno di
nivel halto unda e miho ama-
zona di Colombia a participa.
Mester bisa cu Zoey ta forma
parti di e seleccion di Aruba
cu lo competi den e campe-
onato mundial na Florida.
Esaki ta tuma luga den luna
di juli, segun 297sports.