Page 10 - AM200221
P. 10
10 AWEMainta Diabierna, 21 Februari 2020
Minister Bikker hopi contento cu Leerorkest
a haya varios instrumento for di Hulanda
Minister Andin Bikker ta sumamente gradici y contento cu na
april aña pasa a firma un Letter of Intent hunto cu Minister di
Husticia di Hulanda sr. Ferdinand Grapperhaus y cu colega Min-
ister sr. Rudy Lampe encarga cu educacion pa introduci un Leer-
orkest pa Aruba.
Leerorkest Amsterdam y Leerorkest Curaçao ta un instituto cu
basicamente ta duna oportunidad na muchanan cu menos recur-
so y e hubentud di Aruba pa nan tuma un curso di canto y siña
toca instrumento.
Leerorkest ta duna e mucha of hoben e oportunidad despues di
scol of durante scol un tipo di educacion adicional di arte y mu-
sica. Despues cu a firma e Letter of Intent, Leerorkest a bira un
realidad rond di augustus 2019 y e siman aki a haya e grato noti-
cia cu a haya un gran cantidad instrumento.
E instrumentonan a yega Aruba for di Hulanda y esey ta haci
nos hopi contento y orguyoso cu den un tempo asina cortico por
a logra algo cu t’asina importante pa educacion di e hubentud
y pais Aruba y na mesun momento e mandatario ta subraya e
cooperacion cu tin entre Ministerio di Husticia y Ministerio di
Educacion. Pa Minister Andin Bikker esaki ta algo hopi positivo.
