Page 22 - KPA

42 AWEMainta Diamars, 11 April 2017

Nochi di Pelicula cu “SON OF GOD” na Centro di Bario Playa Pabou

DIAHUEBS, 13 di april, directiva di Centro

di Bario Playa Pabao, ta organisa otro “nochi di
pelicula” pa e muchanan di Playa Pabao y di Aruba
en general.

E anochi di pelicula ta completamente gratis cu
e posibilidad pa cumpra popcorn, hotdog, chips
y refresco na prijsnan di famia. Ta cuminsa cu e
pelicula pa 7:00pm y ta termina 9:00pm.
Pues esaki ta un bon oportunidad pa nos muchanan
gosa di un pelicula cu nan mayornan.

Un invitacion ta bay na mayornan pa compaña nan
yiu(nan) y bin disfruta di e “Nochi di Pelicula” na
Centro di Bario Playa Pabao”.

Invitacion pa misa di grandi- y enfermonan
na misa Birgen di Fatima Dakota

PASTOOR Daniel Szpila, hunto cu Comision Organisado y Asistencia

Social Dakota, ta invita parokianonan, pueblo di Dakota y Aruba en
general pa asisti na un Santo Sacrificio di Misa dedica specialmente na
nos hendenan grandi y nos enfermonan dialuna 17 di april 2017, di dos
dia di Pasco di Resureccion, pa 9’or di mainta na misa Birgen di Fatima
na Dakota.

E dia aki Pastoor lo hunta nos grandi- y enfermonan cu azeta di Sacra-
mento di Enfermo. Canto y musica lo ta na encargo di Vivienne Gomez-
Rivadeneira y grupo Ministerio di Alabansa y Adoracion. Despues di
misa lo tin nos acostumbrado brindis den Cas Parokial. Boso presencia
ta altamente aprecia.

Accidente entre van y
brommer na Macuarima

RECIENTEMENTE, un accidente a tuma luga

riba caminda di Macuarima. Esaki tabata entre un
van y un brommer.

E chauffeur di e van a purba lora pa subi caminda di
tera, pero no a tuma nota di e brommer biniendo cu
consecuencia cu el a dal contra dj’e. E manehado di
e brommer a keda levemente herida, y daño material
pa ambos vehiculo tambe tabata poco.