Page 26 - KPA

Dialuna atardi a drenta informe di un accidente cu hende herida na Palm Beach dilanti di
Unicasa, mesora a dirigi tanto polis como ambulans na e sitio. Na yegada di e patruya a bin
compronde cu aki ta trata di un accidente hit and run unda un auto cu a bay sali for di banda di
Unicasa y a haya chance for di un auto den e fila pa bay pabao of bay nort y a core sali bay
pariba sin a wak e pick-up cu tabata bayendo pabao den e rijstrook pa bay na man robez y nan
a dal den otro. E auto mes cu a ocasiona e accidente (esun cu a sali for di banda di Unicasa) a
core bay for di e sitio lagando e chofer di e pick-up herida atras. Polis mesora a bay revisa e
grabacion di e camara di seguridad ey cerca pa asina logra haya e chofer pone para
responsable pa su actonan. Na yegada di e ambulans nan a atende e chofer.

Dilanti Parlamento un auto a dal tras di un
taxi mand'e bay dal stroller cu baby
cruzando riba zebrapad

19 HORA PASA , 10 DI APRIL 2017 14:29

SECCION: INCIDENTE

Dialuna atardi a drenta informe di un accidente cu hende herida dilanti Parlamento, mesora a
dirigi tanto polis como ambulans na e sitio. Na yegada di e patruya a bin compronde cu aki ta
trata di un accidente unda cu e chofer di un Toyota MarkX no a regula su velocidad y ni a
mantene distancia a bay dal tras di un taxi cu a para na un zebra-pad pa laga un dama cu baby
den stroller pasa. E impacto tabata asina fuerte cu a manda e taxi bay dal e stroller mande un
poco mas leu. Na yegada di e ambulans a atende e baby pa e impacto ricibi y e mama cu a
keda tur spanta.