Page 30 - KPA

ORANJESTAD,(AAN);— Durante cu patruya di San Nicolas tabata riba nan ruta di
vigilancia nan a wordo dirigi pa central di polis na “Antesala Café” situa na Savaneta, pa
nan atende kiebro cu ta tuma lugar.E unidad den un rato a presenta y e agentenan a
constata cu porta dilanti tabata destrui ademas intruso (nan) a listra tras di toonbank.
Un homber bisiña a reporta di tabata sinta den su balcon debi cu no tabatin coriente e
por a scucha y el a wak den direccion di “Antesala Café” y el a mira tres homber.Un di
nan tabatin un obheto parecido na un caha den man. A yega un Toyota Altezza color
shinishi for di direccion pabao y tur tres homber a subi den e Toyota y e vehiculo a bay
den mesun direccion.E tres hombernan tabata bista cu paña scur y nan no ta mas bieu
cu 30 aña.Despues di algun minuut e doño a presenta na e sitio di delito y el a declara
cu nan a bay cu caha di placa den cual tabatin mas o menos 500 florin.Keho a wordo
tuma y recherche lo continua cu e investigacion a base di e informe, compila y
suministra. Tin pista pa cana te cu lo pone man, tanto riba e chofer, confisca auto y e
tres tiponan pa nan duna cuenta den “sala di Corte” tocante nan accion di ladronicia

Trahado a yega net na ora sino “ayo”
brommer

ORANJESTAD,(AAN); — Diasabra anochi den careda di 10 pa 12 a presenta na warda di
polis un persona cu a pone polis na altura di intento di ladronicia. El a declara cu pa
mas o menos 11 or el a caba di traha na Dunkin Donuts situa riba L.G. Smith