Page 29 - KPA

caliber 38 bao di e stul di chofer.Polis a continua cu nan investigacion y nan a detene e
homber pa mas o menos tres’or di marduga como sospechoso. Tabata trata den e
caso aki di e homber di inicial B. van L. naci na Hulanda di 20 aña. Polis a sigui hiba
control riguroso na e sitio y nan a descubri y confisca cierto cantidad di marihuana den
un vehiculo cu dos ocupante masculino den dje.A detene e dos sospechosonan di
inicialnan Y.J.R.M. naci na Corsou 22 aña y A.G.P. naci na Corsou 20 aña. Despues di
interogacion na a wordo laga den libertad.B.van L. a wordo presenta dilanti fiscal
auxiliar y e ultimo a ordena cu e detenido ta keda cera pa mas investigacion.

Señora no a vacila pa a basha grito pa
auxilio

ORANJESTAD,(AAN); — Polis a bay mesora riba instruccion di central na un adres den
Zepp Lampe straat unda lo tin un persona den peliger y cu ta solicita yudanza.Patruya a
presenta mas lihe posibel na e adres y e habitante a declara cu un hende muher muher
tabata grita pa yudanza.A base di esaki diferente habitante a bay asisti e señora y na
yegada e señora en cuestion a cana bay.Patruya a topa e señora den Vondellaan banda
di caminda y el a conta polis di tabata cana den Zepp Lampe straat ora direpiente un
homber cu e no conoce a bin den su direccion.El a kere cu e homber tabata bay atrak’e
y pesey el a cuminsa grita pa yudanza. E homber desconoci a cana bay.Despues di a
scucha e version patruya a tira bista pa averigua si acaso nan lo por localiza e homber
cu a pone e señora den panico pero polis no a topa e homber.

Ladronnan a bay cu caha di “Antesala Café”