Page 28 - KPA

Control di polis riba ciere di localidadnan

ORANJESTAD,(AAN):— Riba ordo di comandante di polis riba servicio patruya a hiba
control diasabra na e localidadnan si nan ta mantene nan mes na ley pa ora di
cera.Patruya distrito Oranjestad a pasa controla den marduga entre tres’or y cuat’ or y
trinta.E siguiente localidadnan tabata habri despues di e ora pa cera, Bow Bow
restaurant, Wing Hung , Watergate, Fuego bar, Tipsy bar, Old Dutch café, Dubai bar,
Maxime bar, Zona Zero, 7’o’Clock , Heart Of Music.Nan a wordo cera despues di e
control. Ademas polis a traha verbaal relaciona cu nan tabata habri ainda despues di e
ora stipula pa cera.

Hulandes cu arma a keda cera pa mas
investigacion

ORANJESTAD,(AAN);— Informe suministra pa cuerpo policial Curacao ta menciona cu
diadomingo 9 April 2017 marduga pa alrededor di 02:34 un homber a presenta na e
Centro Nocturno na “Jan Thiel” cu un arma di candela hunto cune y a trata di drenta e
establecimento.Ora el a keda descubri el a bay na un auto staciona den vecindario y a
warda e arma di candela.Mientras tanto patruya di polis a presenta y nan a bay haci un
investigacion y durante control den e auto nan a bin descubri un arma di candela, pistol