Page 26 - AWM29APRIL2017

26 AWEMainta Diasabra, 29 April 2017

Aruba Table Tennis
Association a organisa su
competencia en conexion
cu celebracion Dia di Rey

DIAMARS atardi, Federacion di Tenis di Mesa a

organisa un competencia en conexion cu e celebracion
riba Dia di Rey.
E Copa Rey a wordo hunga den tur categoria di
infantil te A klas, mientras cu siman pasa ya caba
e mastersnan a finalisa e torneo aki. Mester bisa cu
un cantidad grandi di hungador a presenta p’asina
hunga e torneo aki cu tuma lugar den Club Estrella
na Sta Cruz.
E weganan tur tabata riba un bon nivel, nos por a nota
cu principalmente e hobennan ta bin ta desaroya den
un bon forma y ya caba ta duna bon bataya n’esnan
mas experencia cu pa hopi aña ta domina e deporte
aki na Aruba.

Siman pasa e delegacion di tenis di mesa a haci un
tremendo papel den e Caribbean Cup Championship
na Guyana, unda nos seleccion a logra conkista varios
premio den teams, dobbel y single.
E hoben Ching Ho Chung a logra termina na un di
dos lugar den U-15 esaki den henter Caribe cual ta
un prestacion sublime.

NOS TIN E SIGUIENTE RESULTADONAN
Den e categoria Masters e prome lugar a bay pa
Franklin Lopes, na di dos lugar a termina Alfred Le-
ong, mientras na di tres lugar a caba James Letren.
Den CAT U10 nos tin na prome lugar Nathan Lobo,
na di dos lugar Dwayne Hart y na di tres lugar Den-
ziel Hart.
Den CAT U13, nos tin na prome lugar Robert Dirk-
sen, na di dos lugar Bob Chung y na di tres lugar
Mikayla Mathilda.
Pa loke t’e CAT B KLAS, aki e ganador a resulta
Donald Yarzagaray, na di dos lugar a keda Wingchow
Leong y na di tres lugar a termina Zhao Xie.
Por ultimo nos a haya e sorpresa den e Open Klas.
Aki Mario Lobo ta logra triunfa na prome lugar, pero
na di dos lugar a keda Ching Ho Chung cu Jonathan
Paredes net su tras na di tres lugar y Andy Gomes
na di cuater lugar.