Page 20 - Djasabra 17 februari 2018.pdf

20 Djasabra 17 Febrüari 2018

Cafra, Caribbean Association for
Femenist Research and Action
a organisá resientemente na
St. Lucia un tayer di trabou
hopi interesante, dirigí pa
periodista/redaktornan riba
e tema di integrashon di e
“gender lens” i derechi humano
den práktikanan periodístiko.
Pa Kòrsou Valesca Diaz, hefe
di redakshon na EXTRA a
partisipá ounke den e kaso aki
representando Curacao Media
Organization. Mas aleu tabatin
partisipantenan di Sürnam,
Jamaica, St. Vincent, Guyana,
Trinidad & Tobago, St. Lucia
mes, Dominica i Grenada. Loke
por a konkluí for di e enkuentro
aki ta ku tin di tene kuenta di
ku derechi humano di e hende
i no por saka konklushon sin
mas komo periodista/redaktor
kaminda sin sa por deskriminá
enpartikular den e kaso aki e
hende muhé.

Algu mester kambia; awor i akinan

For di kua “lèns” ta relatá teniendo

kuenta ku género i derechinan humano

Un di e oradornan ku a kapta
atenshon tabata Jacqueline Messiah,
direktora di sentro di detenshon
di hoben na St. Lucia. Jacqueline
a studia género i trabou sosial na
Guyana i a konsentrá su mes hopi den
komprondé e género. Ku bista riba e
profeshonalnan den sala el a splika
ku ora ta relatá un artíkulo/notisia
por ehèmpel di un violashon seksual
no ta importante pa menshoná
kiko e muhé tabatin bisti (pa hasi
komosifuera ta esei ta motibu ku
ta atraé e atenshon di e hòmber) òf
dikon e ta kaminda e tabata ora di a
keda violá (djis pa hustifiká ku e no
mester ta kisas na un lugá skur na e
momentu ei). Jacqueline a splika ku
tin 4 tipo di género i kisas asta mas.
Esnan ku el a menshoná ta e muhé,
e hòmber, e muhé ku ta biba manera
hòmber i e hòmber ku ta biba manera
muhé. Komo direktor di un sentro
korekshonal di hóbennan Jacqueline
ta splika ku mester laga e hoben
sintié normal. Den su kaso e ta kòrda
muchanan ku den 2 aña no a haña ni
un bishita. I ta netamente e mucha ei
ta esun ku ke koregí. Ta kon por hasié
si e mucha no ta haña atenshon di
esun ku e tin di haña esta su famia. E
ta haña ku nos ta eksponé nos yunan
na muchu hopi i muchu tempran.