Page 35 - Djasabra 17 februari 2018.pdf

Djasabra 17 Febrüari 2018 37

Kontinuashon di pagina 7
FEFFIK a entregá 84

FEFFIK huntu
ku Departamento di
Transporte Públik o
ta ofresé e kurso pa
sertifikado A i B pa bùs
i taksi ya pa 25 aña.
Sertifikado A ta duna tur
partisipante e derechi
pa traha komo shofùr
ouksiliar (“hulpchauffeur”)
i sertifikado B ta duna e
partisipante e derechi di
por bira doño di ruta na
momentu ku pèrmit bini
liber i e partisipante ta
na turno pa risibí esaki.
Tur persona mester sigui
e kurso di tráfiko sigur ku
ta keda ofresé na ofisina
di tráfiko pegá ku Parke
Tropikal na Damacor.
Un kantidat di 91
persona a inskribí pa sigui
e kursonan; di kua, 40
pa sertifikado A i 51 pa
sertifikado B. Finalmente,
84 (92%) persona a risibí
nan sertifikado, di kua
36 persona a risibí nan
sertifikado A i 48 a risibí
nan sertifikado B.

Dos persona a gradua
mihó i nan ta: Joél Eusebio
Cabos i Alford Lazar
pa sertifikado A i Anna
Henriquez i Maximiliaan
Tjoen- T a k-Seu pa
sertifikado B. Materianan
ku ta duna ta Desaroyo
Personal, Desaroyo di
Kòrsou, Lei di Transporte
Públiko, Hulandes i Ingles.
Sr. Ludwig Alberto,
direktor interino di FEFFIK,
sr. Melvin Doran, direktor
di Servisio di Tráfiko i
Transporte, sr. Rudsel
Godfried, manager Product
Development di Ofisina di
Turismo i sra. Zita Jesus-
Leito, minister di Tráfiko,
Transporte i Planifikashon
Urbano a dirigí palabra
na esnan presente.
Despues di e parti formal
esnan presente a haña
oportunidat pa felisitá e
kursistanan ku a slag.