Page 19 - FDLP

Awor 9 aña despues Annelaine ta regresa riba e plataforma internacional den e deporte di

dammen y mesora ta cosecha exito door di conkista un segundo lugar den e Pan

American Draught Championship 2018 cu recientemente a tuma lugar na nos isla ruman,

Corsow. E campeonato tabata uno fuerte, asina mes Annalaine a gana su weganan y a cay

venci solamente un biaha esaki contra di Lublyana Turiy di Merca cu a lo largo a sali e

campeon invicto di e torneo ganando tur su weganan. E resultado a duna Annelaine un

otro titulo, e biaha aki Female Master den dam. Anteriormente ya caba Annelaine tin uno
den e deporte di ahedrez. Tin e posibilidad cu Annelaine lo representa e continente aki

den e campeonato mundial di dammen otro anja na Russia.

Conoci pa ta un multi-atleta, Annelaine Jacobs un bes mas ta briya pa Aruba den exterior

awor den un deporte mental cu e ta domina super bon. Mas cu claro Club di Dam Arowak
ta trahando bon riba e desaroyo di e deporte di dammen na Aruba unda varios hoben ta

miembro di e club. E logro di Annelaine sin duda ta un empuhe pa e deporte di dam sigui

padilanti unda den futuro sercano por spera mas competidor representa Aruba riba un

plataforma internacional. Stichting Sportsubsidie Aruba ta felicita e atleta Annelaine

Jacobs cu su segundo lugar conkista den e Pan American Female Draught International

Championship 2018 y ta contento di por a aporta na e biahe di e delegacion di Aruba na e

campeonato Pan Americano di dam na Corsow.

Cumprando weganan di Lotto, e Loteria di Aruba bo ta contribui na deporte riba nos isla.

Meta di e fundacion ta pa organisa loteria, cambia bida di su hungadonan y na mes

momento inverti den deporte local pa medio di donacionnan na e Stichting Sportsubsidie

Aruba.

http://24ora.com/annelaine-jacobs-ta-conkista-un-segundo-lugar-den-e-prome-edicion-di-e-pan-
american/