Page 23 - WEB
P. 23
Nicolas Maduro tabata prepara pa su futuro cu un economia destrui na Venezuela
mientras ya el a perde e mayoria den Asamblea Nacional.
Nicolas Maduro tabata den necesidad pa haya un asilo pa Citgo, su baca di lechi na
Merca pa medio di transaccionnan cu tabata contene tambe segun acusacionnan oficial
labamento di placa entre otro.
Gobierno di Aruba a firma un acuerdo cu a costa Aruba hopi placa cu biahamento,
negociacionnan pa cual mester a paga un team y hopi mas.
Inmediatamente despues cu Aruba a firma e acuerdo di Citgo, e compania a wordo uza
como borg pa debe di Rusia y pa prestamo di companianan na Merca y Inglatera. Pues
un mayoria den man di grupo Mericano y Ingles y e resto den man di Rusia, cu a mira
su placa perdi ora Guaidó a tuma poder di Citgo.
Mientrastanto Aruba a perde proyecto y Venezuela ta un desaster politico cu por
rementa na forma peligroso pa Aruba den un situacion mundial sumamente peligroso.
Den Citgo e bienestar di Rusia ta hancra, pero riba tereno di petroleo Venezuela ta un
aliado di Iran, cu ta na guera awor cu Merca.
Awe na Venezuela, Guaidó ta bolbe subi caya. Riba tereno internacional, e
confrontacion Merca y Iran ta culmina. Un di e peligernan ta cu Iran lo paralisa
comunicacion interno na Merca.
Kico e peligernan ta pa Aruba cu a negocia pa entrada di Citgo na Aruba? Un di e
menasa mas directo cu tin pa Aruba ta, cu Nicolas Maduro den e negociacionnan cu
Citgo a haya tur informacion di Aruba.
Regimen Nicolas Maduro ta na haltura cu comunicacion na Aruba ta. Regimen Nicolas
Maduro ta na haltura con tuberianan importante ta conecta na Aruba. Regimen Nicolas
Maduro ta na haltura di capacidad di cada tanki di azeta na Aruba pero tambe di
informacion administrativo y hasta planificacion di gobierno Mike Eman cu mester a
duna Nicolas Maduro siguransa pa drenta Aruba.
