Page 26 - WEB

motibo cu Quota Club International, presidi pa Ivy Simon, a topa cu prensa pa un biaha

mas expresa nan preocupacion riba e tema aki.

Hopi hende, el a bisa, no sa e gravedad na momento cu perde oido. Pa e motibo aki den

evento di carnaval, manera paradanan, por mira e boluntarionan di Quota canando rond

bendiendo earplugs, specialmente pa e musiconan y esnan chikito.

Quota Club ta logra conscientisa ciudadanonan di e importancia pa uza earplugs durante

temporada di carnaval, danki na e cooperacion di WEB Aruba N.V. Simon a recorda cu

durante e paradanan di aña pasa a introduci e cahitanan cu earplugs. E ta hacie mas facil
pa warda esaki y uz’e un siguiente biaha. E cahitanan ta bini den diferente color.

Otro novedad ta cu e aña’ki tin earplugs sin cabuya. Hopi hende, segun e Presidente a

splica, ta cumpra e earplugs y ta corta e cabuya, pero esaki no lo tin su efecto di e forma

ey. El a enfatisa cu no por corta e cabuya. “E ta facil, pasobra ta hinke den orea y e tin e
forma, Si e cay mes, e cabuya ta keda colga na bo garganta y no ta perde e earplugs.”

Pero tambe tin esnan sin cabuya. E boluntarionan di Quota lo ta riba caminda den tur e

paradanan y ya caba den e parada di Flambeu a cuminsa bende e earplugnan. Aunke ta

concentra riba muchanan, ta bende cu adultonan tambe. Asina por ehempel durante e

parada di flambeu, diferente grupo a cumpra cahanan di earplugs. Ademas di ta presente

den e paradanan, por yama nan tambe na 5922083 por yama pa haci pedido.

Quota lo bay scol cu e campaña di uzo di earplug tambe, pa conscientisa e muchanan for

di e edad ey pa uza earplug for di edad hoben pa protege nan mes. “Den carnaval 66 no

laga zonido duro daña bo beis,” Simon a termina bisando.