Page 30 - WEB

ORANJESTAD (AAN) – Manera Gobierno a anuncia prome cu fin di aña, 1 di Januari a
drenta na vigor e reduccion di tarifa di coriente, pero por mira esaki efectivo riba e
cobranza di Februari, pasobra esun cu lo wordo distribui e dianan aki ta esun di
December.

Asina Robertico Koolman, Hefe suplente di NV ELMAR, a duna di conoce den entrevista
cu DIARIO. Koolman a splica cu e unico clientenan cu ta bay ripara di biaha ta esnan
cu tin e sistema prepago.

E cobranzanan di December e compania a caba di saca nan cu e calculacion riba e tarifa
bieu ainda. Asina NV Elmar keda cla cu esaki lo hinca e tarifa nobo den e sistema pa e
consumidor haya e rebaho den e cobranza di Februari, sr. Koolman a reitera. E rebaha

aki ta di mas of menos 10%. Personanan cu ta paga por ehemplo, 280 florin lo ripara
cu e lo baha cu 28 florin.

Pa uso domestico e tarifa tin un rebaho di 10% y pa comercio 8% Koolman a señala. El
a splica tambe cu den corant NV Elmar a publica e tarifa bieu y esun nobo, unda e
lectornan por ripara cuanto e tabata y cu cuanto e lo baha.

Aki un par di luna NV Elmar ta cuminza cu su proyecto “Spaar Meeting” unda ta bay

cambia tur e meternan bieu pa smart meters. Haciendo esaki e compania por haya e
consumo di e cliente cada cinco minuut y nan por yuda e cliente bisando e cual ta su
consumo pa dia y pa siman, y hunto cune por mustre, si por ehemplo su consumo den

dia ta haltisimo y kizas e no ta na cas, kizas el a laga airco cendi, of e airco no ta
trahando bon y asina aki por yuda e cliente baha su consumo of ta mas conciente di
esey.

https://www.diario.aw/2020/01/riba-e-cobranza-di-coriente-na-februari-e-consumidor-por-ripara-cu-
su-tarifa-a-baha-cu-10/