Page 9 - AHATA FLIP 2 SEPT 2017

Development’. Esaki ta den linea cu 2017 cu t’e aña cu ta enfoca riba
‘Sustainable Tourism for Development’.

Dia di Turismo Internacional ta wordo celebra for di dia 27 di september 1980, e
dia cu e Statuten di e organisacion UNWTO a wordo reconoce y ratifica. Paz &

Dialogo, Energia, Accesibilidad, Herencia Global, y Awa & Turismo tawata algun
di e topiconan cu a wordo treci dilanti durante e ultimo 37 edicion previo di

World Tourism Day.

E Secretary-General di UNWTO, sr. Taleb Rifai, kende a bishita Aruba aña pasa,
ta elabora referente Dia Internacional di Turismo bisando lo siguiente: “Aña
pasa (2016) 1.234 miyon biahero a cruza fronteranan internacional den un solo

aña.

Pa aña 2030, e 1.2 biyon aki lo bira 1.8 biyon biahero. E pregunta ta, con nos
por activa e forza poderoso di e transformacion global, e 1.8 biyon oportunidad,

pa contribui na haci e mundo aki un mihor luga y pa avanza desaroyo sostenibel
den tur su tres pilarnan (e aspecto economico, e aspecto social y e aspecto di

medio ambiente)”.

Ademas sr. Rifai ta laga sa cu: “Corda cu unda sea cu bo ta biaha, ki ora cu ta,

semper respeta naturalesa, respeta cultura y respeta e huesped”. Manera tur
aña, A.T.A. ta conmemora e ocasion aki cu un conferencia unda ta elabora riba

diferente topico di importancia pa cu nos turismo.

Minister di Turismo sr. Mike de Meza lo habri e conferencia sigui pa sra. Ronella
Tjin Asjoe-Croes, kende lo duna un presentacion ‘A.T.A.’s Strategic Direction for

2018: The Big Picture”. E conferencia e aña aki ta conta cu un variedad di
orador manera sr. Olivier Henry-Biabaud, CEO di Tourism Competitive
Intelligence, kende lo elabora riba e topico: ‘Mapping Aruba’s Competitiveness

on the Global Scene: what data tells us’.