Page 56 - MIN SJA 13 APRIL 2016

careda di Ven Eman cu 100 mil dollar cu segun sr de Cuba, nan por a parti e placa aki bou di e
trahadonan y ta cosnan cu nan ta mira cu tin ora tin placa ta wordo duna na instancianan caritativo pero
tin ora tin placa ta wordo gasta na cosnan cu ta mustra riba un locura.
STA a mustra gerencia di triple A cu nan ta contra di e bagamunderianan aki y no ta tolera esakinan mas
pero ta pega riba e parti financiero pero e presidente di STA no ta mira motibo pa esaki.
E presidente di STA a mustra tambe cu e trahadonan ta cla pa bay den accion y caminda ya caba e
trahadonan a mustra cu nan mester a bay den accion caba ya cu ta mira hopi cos cu no ta bon na e
momentonan aki tanto den triple A como den ATA caminda friends & family ta bolbe bin na ordo.
STA ta mustra cu si triple A kier bay haci un inversion di 133 miyon dollar den e aeropuerto, esaki not a
problema pa e sindicato y lo sostene e plan aki pero gerencia tin cu tin placa tambe pa e trahadonan ya cu
ta nan ta esunnan cu ta pusha garoshi di dia y anochi y STA kier yega na finalisa e CAO aki mas pronto
posibel y kier mira un mehoracion substancial den e contracto colectivo nobo y si no ta asina sr de Cuba a
mustra cu nan lo bisti nan “stoute schoenen” y nan lo mira kico nan tin aden

Parlamentario Chris Dammers di AVP: “Aruparking
demostrando su necesidad y siguridad”

Tuesday, 12 April 2016 19:48
Comparti

Recientemente directiva di Aruparking tabata di bishita na Parlamento pa duna informacion di nan
trabounan haci desde existencia y despues miembronan di Parlamento a haci un bishita na Aruparking
pa haya un orientacion di nan facilidad y ekiponan di trabou.

Ta asina cu Aruparking a cuminsa na luna di september na 2015, despues cu Parlamento di Aruba a
aproba e ley di e establecimento di Aruparking y cu tambe e regulacion di e areanan di parkeer den nos
ciudad di Oranjestad. Den e prome fase di regula e areanan di parkeer den nos ciudad di Oranjestad un
total di 1.543 vak pa parkeer a wordo crea, di cual 790 ta pa pago individual (pinta na blanco) y 753 ta
bou di un vergunning personal pa luna (pinta geel).
Na e momento aki tin un total di 82 parkeermeters den servicio ubica na camindanan strategico pa tin un
miho accesibilidad pa cu e usuarionan. Aruparking a duna trabou na un total di 30 hende den diferente
ramo di trabou.
Un aspecto cu sigur a bin dilanti ta e relato financiero caminda por a ser demostra cu den e prome fase
por a keda demostra cu e entradanan ahusta a keda demostra cu e costo operacional ta ser cubri pa e
entradanan, cu un reserva chikito. Cu creacion di Aruparking gobierno a limita su subsidio na Arubus y a
pone Aruparking resorta bou di Arubus caminda cu e entradanan extra lo mester yuda Arubus cubri su
gastonan y pa percura pa un prijs pagabel den nos transporte publico.
Tambe nos por a observa diferente otro beneficionan den e trabounan di Aruparking, esta:
· Luga di parkeer a bira hopi mas accesibel pa esunnan cu ta bin playa pa haci un diligencia, haya un luga
hopi mas cerca of hopi biaha dilanti di e caminda cu bo mester ta. Hopi biaha e sentimento tabata – bo