Page 58 - MIN SJA 13 APRIL 2016

Mervin Wyatt-Ras den conferencia di prensa di fraccion di AVP a remarca cu ela tuma nota den
medionan di comuncacion y riba facebook cu tatanan ta sali pa conta loke a pasa cu nan yiunan cu ta
victima di abuso. Esaki ta positivo cu ta trata di tatanan.

Ta di elogia cu contrario na pasado awor tatanan ta mas envolvi den educacion di nan yiu y ta mustra nan
preocupacion pa nan yiu. Wyatt-Ras a remarca cu e no ta reacciona riba casonan pasobra ta respeta
privacidad di e muchanan.

Locual e parlamentario kier trese padilanti ta cu contrario na loke oposicion ta trese padilanti

Parlamento den anjanan y ta ainda tin atencion pa victimanan di abuso (sexual). Wyatt-Ras ta referi na e

cambio di ley di zedendelicten na anja 2003 unda Wyatt-Ras mes e tempo ey den fraccion di Mep tabata
un di inciadornan. A hisa castigonan, a haci abuso sexual tambe castigabel pa mucha homber. Esnan bao

influencia di alcohol y droga tambe ta ser protehi y tambe esnan cu un handicap mental. A bira castigabel

tambe pa esnan cu ta guia hobennan si nan mester ta envolvi den actonan di abuso sexual. A introduci
boetnan tambe.

Na anja 2004 Buro Sostenemi a keda introduci y na anja 2013 Parlamento den mocion di AVP cu a ser

aproba unanime a pidi Minister di Asuntonan Social pa fortifica e buro Sostenemi pa e haci su trabou di
conseho y coordinacion di guia na muchanan y hobennan victima di abuso.

Na anja 2010 ariba peticion di 11.000 firma cu a ser colecta dor di mama di victimanan a lanta un

comison special parlamentario pa investiga e materia y despues di reuni cu tur stakeholders a surgi

diferente recomendacionnan entre otro pa mihor cooperacion, pa haci ayuda mas eficiente cu mas

transparencia y mas liher, pa fortifica e meldpunt “Sostene Mi”, pa mehora e interview di muchanan

entre otro uzando cameras, pa institui un docter di confianza cu ta atende casonan y pa discuti castigo

minimo.
Fraccion di Mep a presenta un mocion na anja 2010 pa pidi atencion pa e asunto y pa castigo minimo.

Awor ta haci wega comosifuera fraccion di AVP tabata contra. Mervin Wyatt-Ras e tempo ey a defende e

ley pa minimum straf y mientrastanto henter Parlamento, esta tur fraccion a presenta tambe diferente
proposicionnan a base di e sondeo di e comision den Staten. Den esaki tambe tabata e asunto di

minimumstraf. Pues fraccion di AVP tambe a bai di acuerdo cu e proposicionnan.

Recientemente desde anja 2014 Parlamento a trata e ley di Codigo Civil den Comision Central di
Parlamento, a reuni cu un cantidad di stakeholders pa haya feedback, entre nan buro Sostene Mi,

Departamento di AsuntonanSocial, Voogdijraad, fundacion Guia Mi, Fundacion Telefon pa Hubentud,

Witgele Kruis, Fundacion pa Nos Muchanan, Imeldahof, Casa Cuna y Orhopedagogisch instituut.
Preguntanan a ser manda y lo kier fortifica den e ley e rol di e buro Sostene Mi. Ta den espera di contesta

di gobierno pa trata e Burgerlijk Wetboek den Reunion Publico.

Den un mocion di Fraccion di AVP cu a ser aproba unanime durante tratamento di presupuesto di 2015 a
urgi gobierno pa cuminsa fortifica Buro Sostene Mi y esaki a tuma lugar.

Segun Mervin Wyatt-Ras nos leynan ta in place. Pues nos leynan a ser cambia. Castigonan ta mas halto.

E maximo castigo pa abuso ta 12 anja. Sinembargo den practica e castigonan cu ta ser duna ta bao di 2

anja. Esaki ta nada en comparacion cu e consecuencianan grandi pa e mucha/hoben victima, locual ta
percepcion di nos pueblo. Den pasado a yega di papia cu Ministerio Publico tocante e castigonan abou y

por bisa cu no ta intencion di sinta riba stul di ministerio publico. Loke ta haci castigo dificil ta cu abuso

di mucha ta dificil pa prueba dor cu den mayoria caso no tin testigo. Ta e palabra di e mucha/hoben
contra di e abusador. Y e hecho cu ta tarda pa e mucha/hoben papia tocante abuso.

Wyatt-Ras ta haya cu tin cu tuma preocupacion di e tatanan y cualkier cuidadano na serio ora ta trata nos

muchanan y ta importante pa Parlamento por dedica atencion na e materia.