Page 15 - HOH_Neat

Augustus 5, 2020
www.awemainta.com
www.facebook.com/awemainta
noticia@awemainta.com
583-1400

Den dos dia, ya caba tin 10 caso Covid registra

MINISTER GLENBERT CROES DEN CUARENTENA

ARUBA tin 10 caso di coronavirus registra den dos dia di tempo. Y

loke cu ta nobo ta cu tin diferente contagio local. Un di c contagionan
ta di un funcionario of colaborador na Departamento di Progreso Lab-
oral (DPL), cu a resulta di ta un consehero di Minister Glenbert Croes.

Trahadonan di DPL a wordo yama pa un reunion urgente diamars
mainta, unda a informa nan cu debi na un caso positivo den e depar-

tamento, a tuma e decision cu ta manda tur trahador cas pa keda den
cuarentena durante 14 dia. Consecuentemente e oficina di DPL ta keda

cera pa publico.

Un rato despues a drenta e informacion cu e mandatario encarga a
haya sugerencia pa bay den cuarentena mirando cu e tabatin contacto
hopi estrecho cu e persona di DPL. E cifranan ta mustra cu Aruba,

for di 13 di maart pa awor tabatin 132 caso positivo di cual 118 tabata
personanan local. E cantidad di casonan activo ta 17 di cual 13 ta resi-

dente. Y a test 5346 persona for di 13 di maart pa awor.

Mientrastanto e propio mandatario a pone un comentario riba su Face-
book bisando: “Un consehero di nos bureau cu desde FASE ta trahan-

do fisicamente na DPL awe a test positivo pa COVID. Como medida
di precaucion y prevencion Minister a manda cera DPL y su Bureau.
Tambe el a manda tur trahador cas den cuarentena preventivo incluy-

endo su mes. DPL y FASE ta keda activo ONLINE. Tur hende lo keda
traha for di cas.”

E anuncio aki ta bin despues cu e mandatario a tene un conferencia

di prensa diamars mainta y e tabatin contacto den e periodo prome cu
diferente persona.

Mas tempran DVG a pidi pa tur hende cu tabata den Gusto Night
Club; Lola/Craft Bar and Restaurant and Night Club; of Muscles and
Lungs Gym entre 17 di juli y ayera 3 di augustus, tene cuenta cu bo

por a keda contagia mirando cu un di nan hendenan a test positivo.