Page 48 - min.jus sept 4,2015

10 AWEMainta Diabierna, 4 September 2015

Rene Herde

Prima di BAZV a baha pero
MEP y PDR ta yama
esaki medida

E prima cu tur trahador ta paga pa cuido medico didje y su famia directamente for

di su salario, a baha dia 1 di juli cu 1%.
E porcentahe cu tur hende ta paga ora di cumpra cos na BAZV a subi na 2%. Pero
enbez di 60 mil trahador y nan doño di trabao so paga p’esaki, awor 1.2 miyon hende
(= trahador, doño di trabou y tur turista) ta paga e BAZV.

Esaki kier men, según drs. Rene Herde, cu hopi mas hende hunto ta paga p’e mesun
cuido medico. Esaki ta nifica cu nos tur ta paga menos y keda cu e mesun cuido.
Tur e placa cu BAZV ta genera ta bay pa cubri e gastonan medico di tur hende na
Aruba y ora nan bay afo cu AZV pa nan salud.
Un efecto adicional di e cambio aki ta cu e fondo di AZV ta menos dependiente di e
contribucion adicional di Gobierno (=landsbijdrage).
Mescos cu e fondonan di pensioen, e fondo di seguro medico ta bira mas independi-
ente y financiero mas sigur. Anto esaki MEP y PDR ta yama medida!

PAGA MENOS
Den splicacion na prensa drs. Rene Herde a duna e siguiente ehempel.
“Si dos persona mester cubri e gasto di un auto cu nan a cumpra na prijs di 30 mil
florin, cada uno tin cu paga 15 mil florin.
Pero si ta 10 persona hunto ta paga e prijs di e auto, anto cada uno tin cu paga 3 mil
florin. Esaki ta hopi menos pa cada persona.
Esaki ta loke e cambio di paga prima pa AZV, pa pago via BAZV ta nifica. Enbez di
cu cada trahador y nan doño di trabao tin cu paga tur e gastonan di cuido medico
pa henter pueblo for di nan salario, awor ta 1.2 hende (= trahador, doño di trabao
y turistanan) ta paga e gastonan medico.
Kier men cu tur trahador ta paga menos for di nan salario p’e cuido medico pa nan
mes y nan famia. Anto esaki MEP y PDR ta yama medida cu a sali di e ley di Supervi-
sion Financiero (AFT)”.

E splicacion aki ta mustra cu oposicion a lansa un mentira y awor ta busca forma pa
hustifica esaki. Full fout!!!, según drs. Rene Herde.