Page 49 - min.jus sept 4,2015

AWEMainta Diabierna, 4 September 2015 11

Parlamentario sra. Lorna C. Jansen-Varlack

Gran mayoria di pueblo
a compronde Ley di CAFT y
ta di acuerdo cu Parlamento
a aprobra e ley aki!

HOPI hende den nos comunidad a reacciona positivo tocante di e Ley di CAFT y a ex-

presa nan satisfaccion cu e ley aki a wordo aproba den Parlamento di Aruba.
Ta hendenan humilde di nos comunidad cu a scucha y lesa e contenido di e ley aki
obhetivamente y cu un mente habri a comenta cu e ley aki mester tabatey 30 aña
pasa caba. Mester bisa acerca cu nos debe nacional tabata existi di e tempo ey caba
y cu e debe a bay di un Gobierno pa otro sin un solucion structural, segun sra.Lorna
C. Jansen-Varlack (AVP).

Awor un ley a wordo aproba cu lo percura pa Minister di Finanza entrega informe
regular, reportahe periodico y cuentanan anual cu ta trece hopi mas transpariencia den
ehecucion di e presupuesto. E informenan financiero aki lo facilita e trabou di
Parlamento pa cu e motibo cu e controlnan financiero lo ta mas frecuente.

Pa pueblo e Ley di CAFT lo nifica e seguransa y e confiansa cu placa di
pueblo ta wordo bon inverti y gasta. Lo no tin espacio pa iregulari-
dadnan tuma lugar pa cu e motibo di e control intensivo y critico
cu e Comsion di Supervision mester haci. Hopi pais rond mundo
tin institutonan di Supervision y den Reino, Aruba tabata e unico
pais cu no tabatin e instituto aki ainda.

E Ley di CAFT ta un ley temporal te ora Aruba su presupuesto
no tin deficit mas. Ora Gobierno logra esaki na 2018 e colegio
CAFT lo wordo remplasa pa un “Fiscal Council” cu lo existi di
miembronan Arubano so. Loke tur hende mester compronde
hopi bon ta cu e Ley di CAFT ta temporal, pero cu e supervision
ta permanente, sa. Lorna C. Jansen-Varlack a conclui.