Page 54 - EXTRA 7NOV,2015
P. 54
54 Djasabra 7 Novèmber 2015
MUCHANAN
DEN PROYEKTO
RETO
WILLEMSTAD.- Fundashon Desaroyo i Progreso, UNU-
Projects i tambe AV-Connect ta esnan ku a organisá
e proyekto RETO. Esaki a tuma lugá djabièrnè 6 di
novèmber na Finca Piscadera na Piscadera den oranan di
mèrdia. Muchanan di Adventschool na Mahuma, Kolegio
Dodo Palm, Maduro School i kolegio Santa Clara ta esnan
ku a partisipá. Djaweps dia 12 di novèmber próksimo e
proyekto ta bai na Emaus na Soto. E ta kuminsá for di
13:30 te 16:00. Djaweps awor e skolnan Kolegio San
Hose, kolegio Don Sarto, skol básiko Elis Juliana i kolegio
Annie Koenraad ta esnan ku lo partisipá na e proyekto
RETO aki, kaminda un bia mas muchanan hòmbernan lo
sinti e balor di tin e ser maskulino komo figura pa duna
guia na e mucha hòmbernan.
SHAZINDOUSKA GIFT & BOUTIQUE
KLA PA DIANAN FIESTA
WILLEMSTAD.- Shazindouska Gift & Boutique ta kla pa e temporada di fiesta ku ta
djis tras di porta. Ya kaba e damanan a akudí na Shazindouska pa haña un bista di e
kolekshon nobo pa dianan di fiesta. Shazindouska ta kla anto den gran forma.
