Page 16 - MIN ON 21 OCT 2015

AWEMainta Diaranson, 21 Oktober 2015 17

Bertson Boekhoudt

Kerndoelen a keda
presenta na docentenen
di tur kleuterschool

MAS di 150 docente di scolnan preparatorio a participa diarazon n’e prome di

un serie di presentacion y tayernan tocante di e introduccion di “Kerndoelen”
pa enseñansa primario.

E facilitadornan a presenta e documento cu e kerndoelen den un sesion
plenario, sigui pa diferente tayer.

Tur docente di tur scol preparatorio y primario (basisscholen) di Aruba
den e siguiente dianan lo atende e presentacion aki.

E kerndoelen ta algo cu a boga p’e den enseñansa pa
bastante tempo; a traha duro riba su realisacion y
hustamente awo, den Luna di Enseñansa, a logra keda cla
cu e parti di “rekenen/wiskunde”, esta matematica, p’e
wordo presenta y, consecuentemente implementa.

Berthson Boekhoudt, kende ta traha na Instituto
Pedagogico Arubano como docente, a splica cu e
kerndoelen ta indica tur loke e mucha mester sa di
rekenen/wiskunda na final di zesde klas.
E documento ta contene un liña di cla di e contenido
pa sigui for di cuminsamento di scol preparatorio te
na final di scol basico.
E “werkdocument” ta
un instrumento nobo cu
ta pone tur scol basico
riba e mesun liña pa cu e
rekisitonan di topiconan
y conocemento minimo
cu e hoben mester a
wordo ofreci den cada
klas pa cu su preparacion
pa su ingreso na un scol
secundario.

E ta un documento oficial
cu tur klas y scol mester
cumpli cune y ta pone
tur scol n’e mesun nivel
minimo pa cu e material
y topiconan cu ta wordo
ofreci n’e alumno.
Scolnan tin un liña cu
nan ta siguiendo caba,
Berthson Boekhoudt a
comenta, e docentenan
tin cierto rekisito cu ta
estableci na nan scol, pero
esaki ta un documento cu
oficialmente ta pone nan
tur riba e mesun liña.