Page 47 - MIN ON 21 OCT 2015
P. 47
Trahadonan di Bibito Pin den accion atrobe ayera
Publication: Wednesday, 21 October 2015. Categoria: General
pa falta di cumplimento di CAO
ORANJESTAD (AAN): Diamars mainta e trahadonan di Bibito Pin un biaha mas a bay den
accion. Esaki ta relaciona cu e hecho cu directiva di e Stichting no kier cumpli cu un provision
cu tin den nan CAO pa pago di un compensacion ora di hubileo.
Presidente di FTA, sindicato cu ta representa e trahadonan, tabata presente. Segun Hubert
Dirksz, e trahadonan despues di a warda un par di dia wardando riba contesta di doño di trabao si
nan lo worde paga e suma, debe cu nan tin cu trahadonan.
No a haya contesta riba esaki y FTA a manda nan un carta, pero no a haya ningun reaccion
satisfactorio. Pa e motibo aki, segun Dirksz, no a keda FTA ningun otro alternativa cu pone mas
protesta.
E no ta corecto loke ta pasando, pasobra ta un derecho di trahadonan pa haya e compensacion y
derecho pa protesta. Pesey e ta haya increibel cu Polis a worde manda pa e trahadonan.
E protesta di diamars tabata uno cortico y ta spera riba e desaroyonan pa mira ki decision ta bay
worde tuma. A manda carta y kier sinta na mesa pero ta parce cu directiva no tin pensa di paga.
