Page 35 - AWEMAINTA

Diamars, 15 Mei 2018 AWEMainta 35

Internacional

Quim Torra

a wordo

investi como

Presidente

di e

Generalitat

di Cataluña

E PARLAMENTO di Cataluña a investi como Presidente regional, e candidato
impulsa pa e destitui Carles Puigdemont, e editor Quim Torra, pa recupera e
autonomia regional y reanuda e enfrentamento entre e independentistanan y e
Gobierno Spañol.

E editor aki di 55 aña, miembro di a hala duro di e independentismo Catalan,
a logra wordo escohi pa un mayoria di 66 voto na fabor, 65 den contra y cuater
abstencion di e fraccion mas radical di e separatismo.

Den un intervencion breve despues di e votacion, e homber nobel aki den
politica a laga sa bon cla su intencionnan pa futuro: Biba Cataluña liber”, el a
celebra.

Den e proximo dianan lo mester forma Gobierno den e region aki cu ta conta cu
7.5 miyon habitante, rekisito necesario pa kita e intervencion di e autonomia
Catalan decreta pa Madrid despues di e declaracion di independencia di dia 27
di October cu a faya.

Un intervencion cu lo por wordo aplica di nobo si e diregentenan nobo pasa
riba ley den nan lucha pa independencia, advertencia di e Gobierno Spañol di
Mariano Rajoy, cu a mustra su mes basta cauteloso pa cu e investidura di Torra.

Pa awor, maske di tambe a haci un yamada na dialogo cu Madrid, Torra ta alinea
cu e strategia di su antecesor Puigdemont, partidario di mantene tension cu el
Estado.

Den su discurso el a priminti di ta leal na e mandato di “construi un Estado
independiente den forma di Republica” y traha “sin descanso” pa esaki manera
cu e forma un Gobierno, AFP a reseña.