Page 5 - AWEMAINTA
P. 5
Diamars, 15 Mei 2018 AWEMainta 5
Tempo cu e tabata Presidente di KvK,
Daphne Lejuez tabata contra di AruParking
Pero awe e ta prefera di no duna su opinion
DURANTE e conferencia di prensa di
fraccion di MEP dado momento a surgi un
pregunta na e Parlamentario di MEP Daphne
Lejuez riba e tema di Aruparking.
Tempo cu Daphne Lejuez tabata Presidente
di Camara di Comercio, el a yega di expresa
su opinion di ta contra di AruParking,
pasobra a yuda na reduci negoshi rond di
Playa. Banda di esaki, ta “on-line shopping”
ta un otro factor.
Awor cu Daphne Lejuez ta sinta den
Parlamento, como miembro sostenedor
di Gabinete Evelyn Wever Croes, a surgi e
pregunta si ainda e ta di mesun pensamento,
cu tempo e tabata Presidente di Camara di
Comercio.
El a splica cu awe e ta pendiente kico t’e
intencion di e Minister concerni, esta Chris
Romero pa sa kico ta su intencion. Ya por
a tende di e mandatario cu e ta studiando
e cambionan cu lo mester tin, e.o. si lo tin
cambio den zona di parkeer, etc.
P’esey ta mihor warda riba decision di
Minister Chris Romero pa cu AruParking y
como tal Daphne Lejuez ta haya cu no ta na
su lugar p’e bay na specula cu su opinion.
Awor cu no tin cu paga pa AruParking, t’e
mesun comerciantenan ta demanda Gobierno
pa bin bek cu AruParking, mirando cu su
eliminacion no a yuda na aumenta movecion
den centro di Oranjestad. P’esey ta bon p’e
Minister haci su evaluacion p’e tuma e miho
decision si lo bin bek cu AruParking of no.
AruParking a ser crea, pa recauda fondo pa
yuda Arubus, di tal manera cu Gobierno
no mester sigui subsidia e compania di
transporte publico.Ta di spera cu pronto e
Minister bin cu su plan pa cu AruParking pa
sa kico ta su solucion.
