Page 6 - AWEM

6 AWEMainta Diahuebs, 12 November 2015

Lo evalua oportunidadnan den becindario

Minister Michelle Hooyboer a ricibi
docentenan di EPI, relacion cu e
situacion di falta di un gymzaal

DESPUES cu e scol ta existi pa 18 aña

caba sin cu nunca a construi un gymzaal
pa por haci gym, e docente, Andy Gomez
kende ta duna “Gym” na alumnonan di EPI
a dicidi pa bay den accion y a ricibi sosten
di su coleganan docente.
Nan a cana bay protesta dilanti Bestuur-
skantoor pa demostra nan malcontento y
entrega un carta na Gobierno.

Minister Michelle Hooyboer-Winklaar, en-
carga cu maneho di enseñansa a topa cu e
docentenan den protesta.
A scucha nan demanda cu ta ensera pa
Gobierno duna un contesta den e siguiente
dianan riba e pregunta cu si lo construi un
gymzaal balora na alrededor di 1 miyon
florin of no. Si no haya contesta of si e
contesta no ta na satisfaccion, lo inten-
siva e accionnan den forma cu e demas
docentenan lo cuminsa duna les den solo
pafo, como sosten n’e colega di e materia
di “gymnastiek”.

Di acuerdo cu Minister Michelle Hooyboer-
Winklaar, pa hopi aña e proyecto di un
gymzaal tabata riba e lista di deseo di
e scol, pero pa motibo di prioridadnan
diferente na EPI mes, a opta pa inverti e
placa den otro tipo di proyecto. Esey no
necesariamente ta un decision cu semper
ta den man di Gobierno of di Minister.
Gobierno ta den proceso pa construi un
scol nobo serca di EPI, cu lo bira Princes
Amalia.
Como cu ta den plan di ehecucion awor, e
mandatario a bisa cu lo evalua si por yega
na un gymzaal mas grandi cu lo por com-
parti entre e scolnan den becindario.

Pero, pa por yega na un contesta mihor
balansa y cu e informacionnan corecto, lo
yama un reunion cu tur partner envolvi
den e decisionnan tuma den pasado, di-
rectiva di scol DPS, DOW, Departamento
di Enseñansa, Inspeccion di Enseñansa y
tur cu tin di haber cu ampliacion di un scol
y su financiamento pa evalua kico ta den
alcance di e presupuesto di Gobierno.