Page 90 - MIN VOS_Neat

Director di YMCA, Rachel Croes: Exitoso teleton di YMCA a
surpasa 70 mil florin

Sunday, 11 June 2017 14:33
Comparti

Recientemente YMCA Aruba a tene nan evento di teleton, unda cu nan tabatin e meta pa yega 100 mil florin pa asina
por sigui haci nan proyectonan social. Pa por a logra e meta aki, YMCA a ricibi e sosten di celebridadnan. A base di e
promesanan cu YMCA a ricibi, nan a surpasa e suma di 70 mil florin y nan ta sumamente contento cu esaki.

E teleton a bay hopi bon, di cual diferente celebridad di Aruba a presenta y a haci uzo di nan red di conoci nan pa
yuda YMCA yega na nan meta. E preparacion pa e teleton YMCA Aruba ta haya cu el a bay hopi bon y nan tabata
hopi druk. Pa por a propaganda e teleton nan a bishita radionan y nan ta haya cu tur esaki a bay bon.

“Nos ta gradici cada un persona, social club y negoshi cu a sa di yuda nos. Cada un contribucion cu nos a ricibi, a
yuda nos yega e suma akinan, di cual nos ta sumamente contento”, director di YMCA Aruba, Rachel Croes a afirma.
YMCA Aruba a gradici cada un di esunnan cu a haci donacion, como tambe e tres mas grandi cual ta Aruba Airlines,
Kiwanis Aruba y CMB. Durante e anochi di e teleton diferente celebridad a pasa na YMCA Dakota y duna nan sosten.
Otronan cu no a logra di tabata presente fisicamente a sa di yuda nos recauda fondo di un distancia.

Young Men's Christian Association (YMCA) ta funda dia 6 di juni 1844 dor di George Williams na London, Inglatera.
Su oficina principal ta na Geneve, na Suisa. Mas di 57 miyon hende ta beneficia di e asociacion estableci den 125 pais
rond mundo. E lema principal di e organisacion internacional ta empodera hendenan hoben.

Bob Steele a funda YMCA Aruba 61 aña pasa door di e necesidad pa bin cu un luga pa hobennan pa evita cu nan lo ta
riba caya. YMCA tin como meta pa crea personanan util y habil den nos comunidad pa medio di brinda guia y
motivacion, pa asina nan ta un influencia positivo ariba nan contemporaneonan.

YMCA ta ofrece diferente actividadnan manera campamento pa mucha, campamento pa hoben, recreacion deportivo
manera p.e. volleyball y basketball y otro deporte, como tambe eventonan social. YMCA a cuminsa cu e prome “Tra’i
merdia”, yama Y’s Care (YMCA Care) cu a cuminsa na Aruba 27 aña pasa cu un programa di asistencia cu huiswerk y
recreo.