Page 93 - MIN VOS_Neat

Guardian Group cu su di 5 edicion di My Guardian Group
Walk & Run

Sunday, 11 June 2017 20:42
Comparti

E aña aki Guardian Group Fatum a celebra su di 5 edicion di My Guardian Group Walk & Run.
Un diadomingo mainta tempran na unda cu bo por a mira y sinti un ambiente di competencia y passion pa e deporte
entre e participantenan. E evento a inicia na momento cu Acting CEO di Guardian Group Fatum, Sr. Diego Fränkel a
los a tiro di salida di e 10km Run y e 6km Walk and Run. Na final tur participante a ricibi un medaya di recuerdo di
participacion. Bebida Gatorade di Romar Trading y awa Le Blue di Manrique Capriles, koffie y te di Smit & Dorlas, y
un dushi sopi prepara pa Divi Resorts pa e participantenan hidrata bek. Fruta pa energia y mix nuts di Oduber
Agencies.
Guardian Group Fatum a entrega 3 check di Awg. 3000.00 na 3 diferente instancia cu ta traha incansabel pa nos
comunidad: Koningin Wilhelmina Kanker Fonds, YMCA y Cas Marie. Cada un di e instancianan a keda sumamente
agradecido pa ricibi e donacion aki y asina sigui eherce nan trabou y yuda comunidad.
E ganadonan absoluto masculino y femenino 6 KM ta Jasorick Giel y Ruthlyn Webb ganadonan absoluto masculino
y femenino 10KM ta Jonathan Busby y Aracely Parra-Medina.
My Guardian Group Walk & Run a reparti e premionan pa e coredonan como lo siguiente:
1-2-3 luga den 6 categoria di edad masculino 6km y 10 km y special pa masculino 6 km U16 y 16-19. Algun rifa pa e
categoria di walkers y medaya pa tur participante.
Resultadonan ta ariba fb di Guardian Group https://results.sporthive.com/events/6265553769497577728
Premionan pa ganadonan absoluto masculino y femenino 6km:
• Ticket Curaçao, incluyendo registracion pa My Guardian Group Walk & Run dia 29 di Oktober 2017.
Premionan pa ganadonan absoluto masculino y femenino 10km:
• Ticket Curaçao, incluyendo acomodacion pa 2 anochi y registracion pa My Group Walk & Run dia 29 di Oktober
2017.
Guardian Group Fatum ta gradici inmensamente tur persona y tur e instancianan cu contribui pa por a realisa e
exitoso Walk & Run Aruba 2017. Principalmente KPA, Rode Kruis, Aruba Medical Assistence, Motor Unit, Ibisa y
Aruba Triathlon Association pa saca y guia e carreda pa tur participante cu seguridad. Sportz4U, White Sharks
baseball Team, Animal Rights a zorg pa e waterposten y na tur colleganan di Guardian Group cu a yuda
voluntariamente cu e projecto di Guardian Group Walk and Run Aruba. Danki pa boso aporte valioso cu a haci e
evento aki un bes mas exitoso!